買買買@花墟遊

返咗新工, 壓力真係好大~~~

Hubby建議我買一d香薰黎舒緩一下!!!

自家水種香茅

意外係街市發現有根香茅, 買咗一扎黎玩下~~~

4支都係$3 啫, 抵玩!!!

洗完白白, 靚仔晒! 放咗係kitchen的窗邊, 等佢吸收下陽光~~~  

水位唔需要太多, 千其唔好過香茅腳, 剛浸過根部就可以!
真神奇, 養咗3日啫..... 居然爆咗幾個芽出黎, 而且最長的有7cm咁高~~~ 真係快高長大喎!  

最近, 鐘意煮泰菜, 己煮過冬陰公及香茅鹽焗鱸魚~~~

咁樣...... 香茅就可以自給自足啦....... 鐘意食就cut少少出黎, 好方便呀, 唔駛出街買~~~  

天然的香茅味, 仲有驅蚊功效添....... 惡蚊bye-bye!! 



養咗3日的情況~~~


2個星期喇...... 多咗好多芽喎!!!  yeah~~~~

開花了 (2nd Updated)

早前買入的雞蛋花及馬達加斯加苿莉花終於開花喇, 哈哈~~

兩棵花都係帶有香味的, 每當微風吹過, 室內都有陣陣的花香!  

除外香之外, 花形及顏色都好靚架!  

花墟收穫

好傷心~~~~

我棵白蘭花生蟲, 救唔返呀!! 嗚.... 嗚... 嗚.......

清理咗白蘭之後, 窗外花槽變得空空如也~~~

視覺上, 唔多習慣呀!!

所以..... 五一去咗花墟入貨~~~ 

wakakakakaka..... 居然比我見到雞蛋花!

雞蛋花及白蘭花, 我超鐘意架~~ 一於試下種雞蛋花先!

記得小時候, 經常到隔離屋婆婆的花園巡視,

運氣好的話, 可以執到好多跌落地下的雞蛋花架,

媽咪會幫我串成一條雞蛋花頸鏈, 又靚又香架!!

依家, 可以自己種喎, 當然開心+興奮啦!

雞蛋花又重又大棵, 成1.2米咁高, 要打的先返到屋企.......

幾經辛苦, 先成功放出窗外的花槽~~

除咗雞蛋花, 仲入咗一棵馬達加斯加-苿莉花~~~

依隻苿莉花係藤類植物, lan黎lan去架, 要靠竹枝黎支撐~~~ 


阿女又話要買花花, 佢自己選咗橙色太陽花~~~ 

好sharp, 好有春天氣色呢~~~

雞蛋花只得3棵, 我當然選最高最壯架啦~~~

依棵就係馬達加斯加-苿莉花喇

係咪好靚呢??? 


睇下...... 頂倒的士頂呀!! 好彩放得入咋~~~ 

花開花落

春天雨水多, 的確係開花的好季節~~~

窗台種咗新買的杜鵑及菊花, 係阿女選的~~~ 係咪好靚呢??

而花槽的4棵朱頂蘭, 前前後後開足3個月咁耐~~~ 靚靚!! 

先係粉紅色, 這幾日就開白色!!

白色朱頂蘭係多托品種, 跟咗我好多年架喇,

搬屋都帶埋佢過黎~~~真係長情呀!! 

奇花

星期日, 一家三口路過紅磡新落成的紅磡村,

見到棵奇樹, 長滿咗大大朵的黃花, 只有樹枝, 冇葉的~~~

花花好大朵, 成個拳頭咁大~~~ 質地好似紙咁架~~~ so cute!!

實在太靚喇, 忍唔住影咗2張相, 同大家分享一下~

話時話, 依家的公居真係好靚, 環境及綠化都做得好好架~~~