2人世界生日飯@2012

今日係小妹生日, 路明一早book咗枱食晚飯!

好耐都冇食日式燒肉喇...... 今晚一於大刷一餐先!!!  

食完先再減肥吧......     wakakaka........

今晚飛起阿女, 2人世界撐枱腳....... 食得enjoy, 又輕鬆...... yeah!

食物質數好好, Yummy..... yummy.......... 值得一試!!   


海鮮盛盒
野菜盛盒
鹽醬牛舌
燒肉汁特上和牛肋肉
網燒一口牛
薄燒牛
牛角飯
牛角雪糕 - 云尼拿及綠茶味

LC - 求求其其又一餐

今餐求其到極點, 屋企有咩就煮咩...... 

好似風球下的晚餐呀!  

煮咗紹菜粉絲, 青豆角炒蛋及午餐肉........

因為懶得過去買餸, 求其一餐就算........

而且要留返d quota明晚食燒.......肉!!!!!

wakakaka......... 事關3 Nov 係小女子生日!!  

明晚會同路明一齊出外慶祝~~  

LC380 - 斬舊...... 大叉燒

早兩日, 阿女突然同我講: 媽媽呀, 今晚有咩餸呀?

我: 今晚有蒸排骨, 粉絲炒紹菜, 仲有湯囉......

晴晴: 咁叉燒呢.......... 今晚有冇叉燒呀?

我: 下....... 前幾日咪食過叉燒囉! 你唔記得咗咩?

晴晴: 媽媽我好想食叉燒呀! 可唔可以呀......

我: 叉燒要焗架喎, 又要早一日準備呢......  點可以話食就食架?? 過兩日等媽媽再整比你食啦!





就係咁....... 我地又焗過叉燒食喇!!

一星期內, 食咗2次!!! 不過又真係好子味的! yummy.....

而且比出面買的清潔, 又唔驚佢地落咗色素, 食得安心又健康!!! 

記得上次的叉燒好瘦, 焗完後比較乾及硬, 口感唔太好!

所以..... 今次叫咗肉檔老闆比d帶肥梅頭肉過我,

肥膏至多唔食, 但焗出黎的叉燒真係juicy好多, 唔會成條柴咁!!!!!

所以, 要做叉燒, 一定要買半肥瘦豬肉, 仲要係梅頭, 夠林嘛!!! 全瘦no good!! 




材料:
半肥瘦梅頭豬肉 - 3大條 (約$60)

醃料:
绍酒   2茶匙
叉燒醬  2湯匙
海鮮醬  1湯匙
麻油   半茶匙

叉燒汁:
叉燒醬   1湯匙
海鮮醬   1湯匙
麥芽糖   1 湯匙
清水   4湯匙

做法: 

1. 梅頭清洗好, 用醃料醃過夜

2. 將梅頭放入已預熱10分鐘的焗爐, 用170度火去焗, 全程焗40分鐘 (約20分後要返面)

3. 取出切去黑色燶位, 斬件備用

4. 煮滾叉燒汁, 再加入麥芽糖煮溶 (畢起80%醬汁作點菜用,因為個汁我覺得多咗d)

5. 將叉燒回鑊略炒, 讓兩面沾上少少叉燒汁即成

做法過程: 

梅頭用醃料醃過夜

焗好後, 好多燶位架

切去黑色燶位, 食壞人架

斬件備用

切好的叉燒, 白白的內表, 好唔靚呀........ 要準備叉燒汁化下妝先

今次用咗380黎煮叉燒汁, 好方便! wakakaka

將叉燒回鑊略炒, 讓兩面沾上少少叉燒汁即成, yummy!!!

槽鹵故事@醬油店

上星期六去開九龍城買大閘蟹,

順便到附近的醬油店買槽鹵及南乳!

原本諗住用槽鹵+花雕酒做醉雞的..........

但老闆話: 邊駛加花雕酒架, 我做咗幾廿年醉雞, 都冇加過架! 只係用槽鹵就得!!!!!

我: 真係...... 算我材疏學淺 ......... 我見食譜有的! 不過你咁講, 我一於跟下你的做法啦! 買少樣野, 仲好啦!!!  wakakaka.......

老闆: 係囉........ 跟下我的做法啦! 得閒上我的facebook都得!

我: 下............ 你都有facebook!!!!!    (個老闆50多歲, 我真係好意外, 連佢都玩facebook, 佢實在太....... IN 喇!!! wakakakaka)

老闆: 哎呀 ........ 你睇少我(講笑中)!!!   我成日係facebook寫食譜......... 唔講你唔知, 我有好多fans架!!!  wakakakaka........ 

老闆傻笑中.......  我地比完錢就離開了.........    依個老闆真係好cute, 又nice.......... 

有機會, 下次會同老闆會報一下我的醉雞成果 - 唔知成功定失敗呢???