一早10:00約咗六嬸係新星飲茶, 約一個鐘之後, Carol先到……. 酒樓,上主要都係傾傾七叔佢地2個的問題多……. 飲完茶, 我地一齊到街市買5斤老薑($50), 又到差館里明德醬園買咗10斤甜醋&1支黑糯米醋…..2樣合共$215.
返到屋企, 都十一點有多, 六嬸煲落湯之後, 就同老公開始刨老薑喇….. 到12:00, 我又係時候出去喇, 因為澳門阿姨琴晚突然打黎, 話今日會過黎賞月喎…… 真比佢激死呀! 唔好早先講…..
係黃埔家居買的瓦煲, 可以用於電磁爐, 成$548架....... 好鬼貴!
這是六嬸cut出黎的薑頭薑尾....... 可以用黎煮餸!
煲好的薑醋, 攪到成屋都好酸呀!!!!!
阿婷一家三口, 阿媽, 我, 阿姨, 肥叔叔, YoYo…. 一共個8 人到新星飲茶…… order好多野食呀…… 齋都有2大碟+4籠呀……. 當然食唔晒啦! 又要打包到我屋企…… 最後係由肥叔叔比錢!! 臨上我屋企, 阿姨客氣的走去生果檔買3份生果比我, 阿媽 &阿婷…… 分別有提子&綠寶石……. 份量好多!
約1:00, 大家一齊到我屋企坐坐, 阿姨佢地就順便睇睇裝修後的新居! 大致好評啦…… 話裝修得唔錯……. 但, 我地就知咩事囉……. 唉! 坐咗冇耐, 阿婷佢地就話走, 趕咗去收樓喎……. 有耐, 阿姨同同阿媽佢地都走, 阿姨話要到人舖買「送子觀音」比佢個朋友喎…… 住係農甫道18號果個廣州女人! 老公同六嬸係3:30要到醫院探七嬸, 仲拿咗一煲老火湯&一大’秋’提子比佢添…… 我到咗4:00, 熄咗薑醋個火, 我就去訓喇, 今日真係太累喇……. 而且自己又唔多舒服, 都係訓訓好d…….
這些就係阿姨買黎的生果, 係咪好多呢?
沒有留言:
張貼留言