一直好想擁有一部"六門雪櫃"
因為家中的三門雪櫃開始飽和喇
急凍格已經一早爆咗,
每次想買多少少凍肉, 都要就住就住!
忍無可之下, 終於買咗部P仔 - 珍珠白色六門雪櫃....
心情非常興奮啊~~ 哈哈.....
容量有573公升(淨容量有474 公升),
無論容量及體積都比以前部舊雪櫃大得多呢!
買之前, 需要P仔的師父上門度呎架!!
確保夠位, 先接我地生意.....
服務好好喎~~~
體積 ：闊 685 x 深 729 x 高 1818 (mm)
|
雪櫃底部係保鮮格- 放生果蔬菜的!
我仲放埋南貨及烘焙材料添.....
全部歸一放埋一齊!!
頂層放上烘焙材料~~~
再上一層係冰格, 同樣有2層, 共有3格~~
容量真係超大架!!
放上急凍牛扒, 牛肋骨, 雞亦, 螺頭, 年糕, 酥皮等等.....
依然仲有大量空間啊, 哈哈~~~
依d全部都係我常用的調味料, 要從新執位~~
常用又重身的調味料, 一於放係底層啦!
由於玻璃層板夠晒力,
放上LC煲, 一d都冇問題!! 大可放心架~~
兩隻大門, 當然放上輕身的調味料及飲品啦~~
雪櫃門外, 仲貼上LC磁石貼及容量對換表,
靚靚之餘, 仲好有用架~
煮野食, 整蛋糕..... 一睇就清楚晒啦!!
沒有留言:
張貼留言