一個月前已報咗麵包班, 今日終於可以上堂喇...... ^.^
全班有20個同學仔, 其中得3個係男仔!!! 我地6:40開始, 約10:00落堂!
今堂我地做鹹方包(1個), 芝麻包(3個)&芝士蒜蓉包(3個)..... 所有材料都係阿Sir磅好咗, 再由個女助手分比我地各人的...... 我地只做搓麵團這個step架咋..... 睇完阿Sir的示範, 我地就自己落手落腳開工lu.........
入爐前的芝士蒜蓉包
方包出爐喇........ 好香呀!
這個係我的作品, 連阿Sir都話做得好有水準呀呀!!!! heehee......
芝士蒜蓉包都ok埋lu........
你可否教我點做手搓面包？
回覆刪除[版主回覆01/18/2013 00:16:07]係,冇錯..... 抽起合桃提子, 攺用其他材料就得, 好Easy~~
[yumchristine回覆01/17/2013 20:52:06]你E個材料係咪基本上加咩餡都得？其實我想做芝士火腿包、腸仔包同有餡料的包！
[版主回覆01/17/2013 13:28:34]合桃提子包:
A) 高筋粉 280g, 糖 40g, 鹽 5g, 酵母粉 3g, 奶粉 6g, 水 180g,
B) 無鹽牛油 20g,
C) 合桃65g, 提子乾 65g
做法:
將材料 (A) 混合成麵糰搓至光滑, 加入 (B) 搓至並起薄膜狀, 再加入 (C) 滾圓後蓋好,
於溫暖處發酵約 60分鐘至2倍大後, 取出麵糰輕壓放氣,
麵糰分割成 6等份滾圓, 發酵約15mins 至 2倍大,
把麵糰造型, 最後發酵約 50mins 至 2倍大,
以190'c 焗約 20mins 至金黃便成
牛油係咪要放室溫等佢軟身左先加入？點為之搓到起薄膜？
回覆刪除[版主回覆01/18/2013 00:21:23]~係呀, 要放係室溫回軟先用得, 太硬好難同麵團mix埋架!!!
~搓麵團唔好超過15mins, 差唔多到時間, 切出一舊麵團仔, 用雙手上下左右咁拉, 可以拉倒薄薄的膜, 咁就成功一大半架喇
做好包形可否放雪櫃過夜明天才焗？
回覆刪除[版主回覆01/18/2013 10:29:26]~當然可以啦..... 我都試過, 但有個缺點, d包包冇咁挺架, 而且焗完都唔會發得好大個/ 好高!
~所以, 我都係建議你用低溫發酵啦, 發完酵再造型, 包包靚好多架~
請問3g依士係咪等於1teaspoon?
回覆刪除如果我只用150g面分,依士要幾多g?其他材料係咪跟妳比我個食𧪽減半？