增肥大行動

肥死囉......... 今個星期日日出街食lunch, 食盡元朗美食!!! 真係正........ 食咗先減肥啦!

利興燒味飯, 包湯+熱飲, 都係$28咋

 

 

  四川擔擔麵   



  

  燥肉豬軟骨飯

免牛金菇腐皮卷

放工即刻要返屋企, 因為要包腐皮卷, 這味餸簡單又好味, 係工夫多咗d啫...... 兩日前已經到街市的豆腐舖買定腐皮喇, 因為未用住, 要放係雪櫃先

食材: 腐皮3張($15);  免牛($23); 金菇3包($10.9)

汁料: 清水1碗; 蠔油3湯匙

做法:   

1. 先清洗金菇, 去除根部, 切成一寸長

2. 免牛唔駛洗架!!! 直接加入調味料: 生抽1湯匙, 雞粉半茶匙, 砂糖2茶匙, 麻油1茶匙, 生粉2茶匙, 清水2湯匙

3. 用濕布抺一抺腐皮的底面(清潔作用啫), 每張剪成8塊, 共24塊

4. 將免牛, 金菇放係腐皮上, 包好後, 用牙簽收口

5. 下油, 將腐皮卷落鍋煎成兩面金黃, 再落1碗清水, 3湯匙蠔油, 中火炆10分鐘即可

   

蝦子波菜麵

老公所煮的愛心蝦子波菜麵, 好好味呀!!!!

 

海濱賽跑2011

今朝一早, 鬼死咁嘈, 星期日一早比人嘈醒, 真"陰公"呀..........  一望之下, 原來今日有賽跑比賽, 但我唔知終點係邊, 只係見倒d人沿住海邊一路咁跑, 一直跑去深井, 青龍頭方向.......

 

 

Pizza again

今晚冇煮飯, 整咗一個特大特厚的青口pizza食..... 好好味呀!!!! 其實2日前已搓好麵糰, 放咗係雪櫃冰格做低溫發酵, 所以今晚拎返個麵糰出黎解凍個半鐘, 再做最後發酵就得喇, 真係好方便呀!!!

 記得所有海鮮, 一定要出過水, 先可以放係pizza面上, 去烤焗架!!

 

 

蝴蝶酥&如意酥

今日得閒又無聊, 整咗d 蝴蝶酥&如意酥黎玩下....... 又幾好食喎, 好鬆化!!!

做法:

1. 先將現成酥皮解凍

2. 係酥皮面洒上少少糖, 中間對摺再對摺/ 捲起, 用刀切開一件件

3. 面上掃上蛋汁, 再洒少少糖

4. 放入已預熱10分鐘的焗爐, 170度焗15分鐘即可