今年的聖誕及農曆新年好緊迫呀, 聖誕過後, 冇幾耐又過年....... 打工仔的我真開心, 超多假放!!!
水仙花係新年係必要架, 以前年年浸水仙.... 但近這幾年, 因為太忙, 冇再浸水仙 lu...... 工夫實在太多喇, 又要界..... 又要浸水........ 倒不如年三十晚行花市買三四個算啦, 只係$30一個之嘛....... 平靚正架, 又方便!!! 入落果靚靚水仙盤, 加返條紅色絲帶, 咁就得喇...... wakakaka
上星期到flower market, 已經見倒唔少水仙頭, 好多師奶努力搶購添!!
踏入秋冬, 天氣變非常乾燥, 路明同阿女又開始周身R...... 皮膚乾燥又搔癢, 阿女仲R到出現紅斑, 傷口 ...... 好心痛, 好擔心ing!
阿女的情況同上年一樣, 一到十二月就出現皮膚問題, 不過今年的情況比上年好好多, 範圍細, 而且受控制!
上年睇開的中醫 - 冼麗生因早前被發現葯膏含有類固醇成份, 正在調查中...... 我都唔肯再睇佢喇........ 我地唯有去睇另一個中醫啦!
睇咗中醫已三星期, 皮膚開始好轉, 冇之前R得咁勁, 傷口亦慢慢結焦, 但皮膚依然好乾, 我覺得唔R已經係好的開始, 咁就唔會再有新傷口出現, 皮膚就可以慢慢好過黎! 至於皮膚乾燥, 可以勤d塗cream....... 
係網上搵倒一個湯水好啱阿女飲的- 土茯苓赤豆扁豆湯, 問過中醫都話可以飲, 有清熱解毒,健脾袪濕功效.對血燥或風濕血熱等皮膚搔癢症都有幫助架, 買齊材料就煲喇!
材料 : 鮮土茯苓4兩, 赤小豆, 扁豆各1兩, 蜜棗4粒
做法 : 
將材料洗淨, 用8碗水煮約2小時成4碗即可
小貼士: 鮮土茯苓在菜檔或生草藥檔有售,可叫檔主代去皮及切薄片, 較容易出味, 此湯最適合潮濕多霧的天氣飲用, 老幼皆宜, 可預防瘡癤的發生
食譜出自芳姐保健湯餸 : http://www.healthy-food.hk/?cat=21
材料 : 金菇3包, 牛柳粒一盒(約$45)
汁料 : 豉油2湯匙, 砂糖1茶匙, 麻油少少, 生粉1茶匙, 清水1/3碗
做法: 1. 金菇去根部, 清洗後, 分成細棵備用
2.
牛柳粒加入豉油2茶匙, 砂糖1茶匙, 少少麻油, 清水2湯匙 (至少醃半個鐘)
3. 落油, 快手炒熟牛柳粒, 倒係碟上備用
4. 炒香金菇, 加入汁料, 直至再次滾起, 將牛柳粒回媧, 快炒幾下, 即可上碟
材料 : 翠玉瓜2條, 魚柳2塊
汁料 : 豉油2湯匙, 砂糖1茶匙, 麻油少少, 生粉1茶匙, 清水1/3碗
做法 :
1. 翠玉瓜件備用
2. 魚柳解凍抺乾, 加入胡椒粉1茶匙, 鹽半茶匙備用
3. 先煎香魚柳, 直至2面金黃
4. 落油, 蒜頭爆香翠玉瓜約一分鐘, 加入清水一碗, 關蓋煮約3分鐘
5. 加入魚柳快炒
6. 加入汁料, 到再次滾起熄火上碟
