又係時候煲下去濕湯!
阿女有濕疹, 中醫話飲去濕湯係好有用的!
所以, 我間中要會煲, 一家三口都飲得!
話時話, 最近自己都好重濕氣, 成日都好累...... 無精打采咁! 真係見到金都唔識執呀......
e個湯的材料十足架! 煲3個鐘就飲得!
包括有: 連皮冬瓜, 豬骨, 乾荷葉, 乾蓮蓬, 燈芯草, 乾木棉花, 土茯苓, 赤小豆, 扁豆
2012年6月2日 星期六
2012年6月1日 星期五
Staub - 金針雲耳炒青瓜
e個餸真係好清新, 好啱夏天食架!!
其實, 媽媽最鐘意煮青瓜食....... 一個月起碼食幾次架!
久而久之...... 我都鐘意食!
但結婚後, 我都冇煮過瓜類的餸菜, 事關路明唔多鐘意食瓜....... 因為佢細個時, 屋企好少煮的!!
其實........ 同佢的習慣真係好唔同........ 不過, 幾過幾年的生活, 都開始適應咗lu.......
今晚一於煮青瓜等佢試下......
估唔到........ 佢係咁食, 仲話好好味添!!
我都話好食架啦....... 係都唔試........ 成日都食菜芯! 唔厭架咩??
材料:
青瓜2條, 金針, 雲耳及蝦皮適量
汁料:
豉油3茶匙, 糖1茶匙, 麻油少少, 生粉半茶匙, 水1/3碗
做法:
1. 金針雲耳浸軟, 清後去'定', 去頭
2. 蝦皮清洗抺乾備用
3. 青瓜去皮及'郎', 切幼條備用 (青瓜可留皮, 今次刨晒d皮, 絶對係技術上出錯, 姐姐唔記得青瓜要刨間條皮)
4. 落油, 爆香薑片及蒜頭, 再加入蝦皮
5. 倒入青瓜, 金針及雲耳炒勻, 加入清水1/3碗, 冚蓋煮8分鐘至軟身
6. 加入汁料快炒, 直至滾起即可
清倉大行動 - 蜜汁燒排骨
近日, 好努力咁進行清倉大行動, 將雪櫃的存貨續一消滅!
今晚就輪到豬肋骨喇! 一於整蜜汁燒排骨, 甜甜地......送飯一流架!!
連阿女都食到lam lam脷.......hahahaha!
其實做法跟燒排骨一樣, 但就加咗少少蜜糖, 烤好後回鍋, 再打個芡汁就得!
萬變不離其中, 加d減d..... 味道就大大唔同!
材料: 豬肋骨10條 (約10cm長)
醃料: 海鮮醬1湯匙, 叉燒醬1湯匙, 豉油半湯匙, 米酒半湯匙, 砂糖3茶匙, 麻油1茶匙 (可隨個人口味, 加減份量)
做法:
1. 先解凍清洗豬肋骨, 抺乾備用
2. 加入醃料, 用手塗勻, 用保鮮紙包好放入雪櫃, 雪過夜(會入味好多架)
3. 第二日, 預熱焗爐10分鐘180度(用鍚紙舖底, 方便之後清潔)
4. 以170度烤40分鐘(20分過後, 反面再烤20鐘)
5. 出爐後, 剪去黑色燶位
6. 將用剩的醃料+1/3碗水煮滾後, 加入半湯匙蜜糖攪勻, 將排骨回鍋, 炒數下即成
訂閱：
文章 (Atom)
