近日, 好努力咁進行清倉大行動, 將雪櫃的存貨續一消滅!
今晚就輪到豬肋骨喇! 一於整蜜汁燒排骨, 甜甜地......送飯一流架!!
連阿女都食到lam lam脷.......hahahaha!
其實做法跟燒排骨一樣, 但就加咗少少蜜糖, 烤好後回鍋, 再打個芡汁就得!
萬變不離其中, 加d減d..... 味道就大大唔同!
材料: 豬肋骨10條 (約10cm長)
醃料: 海鮮醬1湯匙, 叉燒醬1湯匙, 豉油半湯匙, 米酒半湯匙, 砂糖3茶匙, 麻油1茶匙 (可隨個人口味, 加減份量)
做法:
1. 先解凍清洗豬肋骨, 抺乾備用
2. 加入醃料, 用手塗勻, 用保鮮紙包好放入雪櫃, 雪過夜(會入味好多架)
3. 第二日, 預熱焗爐10分鐘180度(用鍚紙舖底, 方便之後清潔)
4. 以170度烤40分鐘(20分過後, 反面再烤20鐘)
5. 出爐後, 剪去黑色燶位
6. 將用剩的醃料+1/3碗水煮滾後, 加入半湯匙蜜糖攪勻, 將排骨回鍋, 炒數下即成
超吸引!!!
回覆刪除[版主回覆06/01/2012 17:10:45]好好味架, 你都試下啦!