同阿妹一齊整麵包

去完澳門返黎, 星期日約咗阿妹整麵包, 順便叫阿媽黎一齊食茶, 約1:00開工, 阿妹從未做過麵包, 所以由頭開始教起...... 4:45完成!!! 今次我地整咗提子包, 燕麥包 & 火腿芝士包..... 好軟熟, 好好味呀!!

材料:

高筋麵粉300g, 砂糖30g, 速發乾酵母菌(instant yeast) 3g, 清水 130g, 鹽 2g

Emily 姨姨 & 表哥到訪

上星期日, 阿妹黎我度整麵包, Charlie同表哥就係廳玩, 2個玩得好開心呀!

 

  

澳門2日遊

7 月29 & 30, 我地一家到澳門旅行, 阿女同表姨玩得超癲呀, 我地去咗銀河, 氹仔官也街, 議事亭.... 影咗唔少相呀!

 

 

5分鐘免搓包 (Part 2)

今日用埋其餘一半的麵糰做歐洲包, 今次做咗一個齋包...... 估唔到隔多2日, 做出黎的麵包, 都係一樣咁好食, 而且好多孔呀! 真係好成功呀.....   查少少牛油/ 果醬, 就更加好食啦!  但我覺得點黑醋橄欖油食先係最正!!!

金不換

放工約咗路明去金不換食泰菜, 好好味呀! 服務唔錯! 正~ ~ 但要$366呀, 真係好貴..... 但間中一次, 冇所謂啦!  

 

香芧蝦球

好大隻蝦呀

三味汁筍殼魚

芒果糯米飯

5分鐘免搓歐洲包 (Part 1)

終於做咗2個歐洲包喇...... 只需用5分鐘混合麵粉, 等麵糰自己發酵18-24個鐘...... wakakakaka...... 這個方法係用時間去做出美味的麵包, 唔駛不斷搓, 身水身汗喇..... 輕輕鬆鬆, 第二日就有麵包食!

第一次做免搓包

之前無意中係網上睇到一d有關免搓包的文章, 覺得好出奇, 點解做麵包可以唔駛搓架??  以前一做麵包, 起碼要用3-4個鐘..... 好鬼耐架, 成個星期六下午就咁冇咗..... 而且搓到腰骨痛, 又熱添....... 

我睇咗好多網頁, 每個的方法都有少少唔同, 如Carol所做的, 係要將混合好的麵糰, 放係室溫中發酵18-24個鐘; 但P&T所講的, 又係另一套, 佢先將混合好的麵糰, 放係室溫中發酵2個鐘, 之後再放入雪櫃(普通格, 唔係冰格), 比麵糰自己繼續發酵, 第二日就可拎出黎用, 用幾多cut幾多出黎, 剩餘麵糰又可以再次放入雪櫃.

 

今次, 我用咗P&T的方法, 從雪櫃拎出一半麵糰, 放係灑上高粉的枱面上, 壓平排氣, 對摺再對摺, 滾成圓形, 收口向下, 放係室溫做最後發酵, 約1個鐘.  (麵糰真係好'痴'手架, 一定要灑上高粉, 先方便造型)

因為我冇沙煲/ 康寧煲...... 今次我只係將麵糰放入已預熱15分鐘的焗爐內, 再加入3杯熱水係下格, 做出蒸氣效果, 令麵包的皮脆卜卜..... 用170度烤40分鐘! 今次的實驗非常成功, 有相為証!!!! 有咗這個方法, 以後做麵包, 就輕鬆得多喇!

Penta Ocean - Ester last day on 26 Jul 2011

Show encrypted text

免搓麵包 (No knead bread)

2006年11月紐約時報美食專欄介紹的創意麵包食譜, 名為 No-Knead Bread (免揉麵包), 是紐約著名麵包店Sullivan Street Bakery 的師傅Jim Lahey 的獨門傑作. Lahey 宣稱這麵包的質感一流, 但簡單至極連四歲小孩都可以做. 

它的含水量高達85%, 基本上是個麵糊, 不可能也不需要揉, 用手快速調勻以後擺在室溫下發酵18 小時, 麵筋自動在濕氣裡生成 (專業用語稱做 autolyse).  麵糊裡含極少量的酵母, 長時間室溫發酵, 就像培養麵種一樣, 只不過這次麵種不用豁入新的麵團, 直接拿來烤就好了!

Mr. Lahey 把發酵好的麵團放在鑄鐵鍋裡蓋起來烤.  鑄鐵導熱與儲熱性佳, 在烤箱裡預熱後穩定度不輸石板. 麵團在加蓋的鐵鍋裡自行釋放水氣, 省了噴水或丟冰塊的動作.

看了這編文章, 實在太興奮, 十分適合我這個大忙人, 因為平時要照顧女兒, 如用正常的搓麵包方法, 時間太長, 不太方便啊 ~ ~ ~ 現在, 有了這個快捷的方法真好!!

 吃過晚飯後, 只需抽少許時間混合材料, 只需十分鐘, 隔日便可做出美味的歐洲麵包, 剩餘麵糰又可再放入雪櫃, 下次做麵包時再用(有效期十日嘛), 配上沙律, 粟米湯, 簡直是人生一大享受!

不用搓的麵包 (感謝Carol的分享) 

材料:
高筋麵粉390g,  鹽1茶匙,  速發酵母1/2茶匙,  水300g

步驟:
1.將高筋麵粉+鹽+速發酵母放入盆中,用手將所有材料混合均勻
2.加入水,然後用手直接攪拌均勻就好(不用揉)3.套上一個大塑膠袋,把口封緊,放在室溫12-18小時,就算24小時也沒關係
4.發酵好的麵團(這時候的麵團整個充滿大氣泡,帶有濃厚的發酵味道)用刮板取出
   放置到灑上高筋麵粉的桌子上,輕輕拍平,表面灑上高筋麵粉.

5.將麵團左右折起再對折,蓋上塑膠袋放置15分鐘
6.將麵團稍微整成圓形,放置在灑上高筋麵粉的烘焙布上,麵團表面灑上高筋麵粉,蓋上布放置2小時
7.當麵團發酵到1.5小時,將砂鍋放入烤箱用230度預熱
8.預熱完成,將麵團從發酵布移到砂鍋中(砂鍋很燙,拿取千萬要小心), 蓋上蓋子放入烤箱用230度烘烤30分鐘拿出砂鍋打開鍋蓋就完成了

準備器具:1.有蓋的鍋具,必須是鑄鐵或玻璃或陶器,康寧鍋(不可以有任何塑膠成份)

年糕蝦皮炒紹菜

材料:

紹菜一斤半(約大半個)
年糕1/3包
蝦皮2湯匙
薑片2塊
蒜頭2粒
雞粉半茶匙

 
做法:  

1. 紹菜切件, 清洗備用

2. 蝦皮清洗備用

3. 年糕放入滾水內煮4鐘, 撈起備用

4. 凍鍋落油, 加入薑片,蒜頭,蝦皮爆香

5. 放入紹菜,年糕及雞粉快炒10分鐘即成

Opera 法式歌劇院蛋糕

星期六, 整咗一個Opera 法式歌劇院蛋糕比老公食, 雖然第一次整, 但效果好好, 好成功呀, 老公仲話好似街買咁靚, 氹得我好開心架啫!!!  

Opera蛋糕的來由:

歌劇院蛋糕(法國千層蛋糕)是法國的高級糕點，英文為Opera。

 

 (1)據說歌劇院蛋糕，由1890年開業的Dalloyau甜點店最先創製，由於形狀正正方方，表面淋上一層薄薄的朱古力，就像歌劇院內的舞台，而餅面綴上一片金箔，象徵歌劇院裏的加尼葉（原是巴黎著名歌劇院的名字），因此得名。

 (2)另一種說法認為這精精緻的千層蛋糕傳說是本世紀六十年代一位名廚叫加斯頓里昂雷(Gaston Lenore) 首創，供歌劇院的貴族享用，乃歌劇間場時給觀眾享用的甜點。

 (3)又有說此款甜點原先是從法國的一家點心咖啡店所研發出的人氣甜點。因為超受歡迎、店址又位在歌劇院旁，所以乾脆將此甜點稱為Opera，法文的意思即為歌劇

傳統的Opera有六層，包括三層浸過咖啡糖漿的海綿蛋糕、牛油忌廉及巧克力忌廉餡，入口要夠松化，不可以太幹身，而咖啡與朱古力兩者的味道亦要平衡。由於時間關係, 我只做了兩層, 根傳統的Opera, 差好遠呢..... 自己食,冇所謂吧!

蛋糕身材料：	雞蛋	5隻	糖	90g
	麵粉	50g	熱牛油	3湯匙
	杏仁粉(預先焗)	50g

 

此份量可整1個8吋/2個6吋/4個4吋圓形蛋糕

製作：

1.   蛋糖打至黏性稠身

2.   把篩過的麵粉、杏仁粉慢慢加入蛋漿中拌勻

3.   加入熱牛油拌勻

4.   用180℃焗20分鐘

5.   攤凍後, 切開 2片備用

咖啡牛油忌廉	牛油	100g	煉奶	25g
材料：	咖啡酒	1湯匙	咖啡油	1茶匙

 

製作：牛油打溶，加入其他材料拌勻

朱古力忌廉	黑朱古力	200g	淡忌廉	100g
材料：	牛油	15g	Rum酒	15g

 

製作：

1.   朱古力切碎備用

2.   淡忌廉煮熱，熄火後撞入碎朱古力拌溶

3.   加入牛油拌溶

4.   加入Rum酒拌勻

綜合製作：

1.   一層蛋糕、一層朱古力忌廉、一層咖啡牛油忌廉層放

2.   重覆上述程序，最後將朱古力淋於蛋糕表面