Panasonic 麵包機 - 開光 @ 提子軟吐司 (無蛋無牛油)

P仔入門都有成個星期~~~~

到今日先得閒同佢開光咋!

零晨12:00, 準備好材料, set咗早上9:00完成......... 咁就去訓!

wakakakaka.......... 超方便喎!  

8:45a.m. 唔駛鬧鐘都自動醒咗, 因為個麵包香到呢........ 全屋都聞倒呀!!! 好似麵包舖咁!  

阿女醒咗, 係咁問係咪有麵包食, 買咗未呀? 因為佢聞到麵包香...... 但又唔見一袋袋的麵包.......
覺得好奇怪........ wakakaka......... 見倒佢, 真係好攪笑! 



材料及做法:

水: 220g
糖: 30g
鹽: 1茶匙
提子油: 30g (可用牛油/其他油代替)
高筋粉: 350g
Yeast: 1茶匙
提子: 60g (用其他乾果都可以, 直接加入乾果格就得, 唔需要預先浸軟)

程序選項: Mode 3 軟吐司 (所需時間: 4小時20分鐘)


材料及步驟逐格睇:

麵粉買咗兩種: 日清的高筋粉1kg裝($37包)及韓國高筋粉1kg裝($16包), 之前做包用開日清, 所以今次試用韓國麵粉先, 以價錢黎講, 真係拋離幾條街........ 做出黎的麵包質感好滑, 又鬆軟....... 同日清差唔多! 所以........ 我會轉用泡菜國麵粉喇!  


今次的主角 - 提子先生!
阿女唔食得牛的副產品, 所以我用提子油(其實咩油都得)黎代替牛油...... 仲健康d 添! 
蛋都冇落架, 又係因為阿女唔食得囉, 但口感一d 都冇影響! 落唔落都冇咩分別~~~

其實量材料, 我只用咗3樣野......... 電子磅, 機內桶仔及一隻spoon....... 量完之後, 用水沖下隻spoon就得, 超方便! 唔駛洗餐死!

將所有材料倒入桶仔內 (yeast及提子除外)

好喇, 可以將桶仔放回機中........

最後, 就係加入yeast及提子乾~~~  

set好項目(Mode No.), 完成時間, 烤色及乾果加入程序就得喇!!!               

9:00出爐, 麵包脹卜卜的, 好香呀! 

好成功喎, 成16cm咁高~~~

各面都咁靚仔~~~   抵鍚!!!