Staub - 三文魚蕃茄湯

這個Staub (24cm round - white), 係我人生中第一隻鑄鐵鍋!!

今晚開光喇.........

煮咗煲三文魚蕃茄湯, 跟其他blogger所講一樣, 好似燉湯咁架....... 正!!!! yummy.........
做法:

1. 以中火燒熱個鍋先
2. 爆香薑片後, 放入三文魚, 煎至金黃色
3. 落熱水, 當水再次滾起後, 轉細火煲一個鐘即可
4. 飲前落鹽

溫馨是示:
1. 清洗方法:
a. 煮完後, 個鍋好鬼熱, 千其唔好用水喉水洗佢, 好傷個鍋架!
b. 唔駛即刻洗個鍋的, 只要食完飯(夠晒時間比佢cool down), 倒少少熱水到鍋內, 由得佢浸15分鐘, 用海棉清洗就得(唔駛用洗潔精架)!
c. 清洗完後, 用布抺乾, 放係爐上以中火烘乾5分鐘/ 自然吹乾(記得煲蓋要留gap, 唔好fully closed, 好難乾的)!



2. 保養方法:
a. 經過煮食後, 食物中的澱粉質會留係鍋內, 令鍋內出現白點/白印/閃面的可能..... 比較難清除呢..... 洗兩三次都係咁! 又唔敢太大力去刷喎......激死我! 攪到一d都唔靚女添!
b. 所以每次用完, 我都會搽一層薄油, 一來可以回復新煲咁靚, 二黎又可以protect個煲..... 萬一太耐唔得閒煮飯, 都唔驚rust啦!


 以上只係個人意見, 如有更好清洗/保養方法, 請指教一下!