Amazing !
Staub真神奇呀, 可以做出咁嫩滑的鹽焗雞, 真係滑到........ 冇朋友架! 連雞胸都滑一滑!
路明話好好食, 讚到我飄飄然!!! wakakaka... 都係多得Staub啫, 唔係佢, 又點可以做出咁好食的鹽焗雞呢.......
真係冇買錯這個煲呀!!!
材料:
冰鮮雞一隻, 鹽焗雞粉一包, 粗鹽一包(約500g)
準備工夫:
1. 冰鮮雞去頭去頸, 清洗後抺乾, 內外搽上鹽焗雞粉, 放入雪櫃醃過夜備用(雞腳放入雞肚內)
做法:
1. 牛油紙掃油, 白鍋炒熱粗鹽備用
2. 用牛油紙包起冰鮮雞
3. 在鍚紙上灑上少少粗鹽, 放上冰鮮雞, 雞的上面再灑上少少粗鹽, 用鍚紙包好備用
4. 在Staub鍋底放上1/4粗鹽, 放入冰鮮雞, 再將其餘的粗鹽倒在雞面上
5. 以中火煮15分鐘, 再轉細火30分鐘, 熄火焗30分鐘即可 (視乎雞的大細而定)
好勁呀你!! 我又試下先!! Thank you 食譜!!
回覆刪除[版主回覆01/09/2012 11:49:27]我都係跟人整架咋..... 第一次煮, 估唔倒會成功, 真係好滑架, 你一定要試下, 超正!
哎呀, 跟住你整, 但隻雞竟然大左少少, 放唔實個煲蓋, 唔知會唔會失敗呢.....2個鐘後就知喇
回覆刪除[版主回覆06/06/2012 22:51:26]恭喜晒呀! ^.^
[CAT回覆06/06/2012 21:43:22]成功呀, 真係好滑, 好有滿足感, 但我買個隻鹽焗雞粉(理想牌)寫住要用兩包, 所以我用左兩包, 但鹹得滯, 跟你用一包應該剛好.
[版主回覆06/06/2012 00:12:30]真開心呀! 你又係STAUB的粉絲? 祝成功!