買咗Staub都大半年lu, 經過幾個月黎的不斷嘗試, 已經掌握到少少技巧! hee hee......
今晚整咗我的至愛 - 金針雲耳臘腸蒸雞!
e個餸真係好好味! 可以食倒成碗飯咁多架.....
做法好簡單, 25分鐘就食得! 快靚正架......
先將金針雲耳舖底, 再放上雞件, 臘腸, 薑絲及少少金針放面, 加入1/3碗清水就得!
材料:
冰鮮雞一隻
金針, 雲耳, 薑絲適量, 臘腸一條
醃料:
豉油3湯匙, 砂糖3茶匙, 燒酒3茶匙, 麻油1茶匙, 生粉1茶匙
做法:
1. 冰鮮雞解凍切件, 加入醃料備用
2. 金針及雲耳浸軟, 去硬頂, 清洗備用
3. 將金針雲耳舖底, 再放上雞件, 臘腸, 薑絲及少少金針放面
4. 加入1/3碗清水, 先用中火蒸10分鐘, 再轉細火蒸多15分鐘即成
溫馨提示:
1. 雞件最好醃夠3個鐘, 咁先入味架
2. 金針打結, 咁就精緻d啦, 鐘意的話, 可以加少少紅棗(去核切絲), 宴客一流架
3. 蒸雞時間, 因雞的大細定, 請自行執生! 今次隻雞好大隻呀, 蒸25分鐘就啱啱好!
你呢個鍋係唔係28cm ?
回覆刪除[版主回覆06/09/2012 11:07:49]我諗係技巧問題, sales姐姐話一開始係用中火, 之後要轉細火煮架..... 但有好多人都冇耐性又唔聽話, 一味係咁用大火去煮, 佢話當然痴底啦!
我琴晚煑咗無蒸排骨, 一d都冇痴底喎...... 我連油都唔落架, 健康d嘛!
[Helen回覆06/09/2012 06:20:35]我見有人話好好用, 又有人話唔好用, 好難洗同黏底, 所以十五十六.
[版主回覆06/08/2012 23:45:29]我真大頭蝦，我個鍋真係28cm蜂巢鍋呀，wakkakaka,我咁都攪錯！你買啦，真係好好用！
[Helen回覆06/08/2012 20:01:19]我見你個蓋係條魚, 以為係28cm添, 我都心思思想買蜂巢鍋
[版主回覆06/08/2012 15:28:52]唔係28cm, 24cm only