身邊的朋友, 聽到我講無水蒸野, 如蒸雞, 蒸魚...... 都好R頭!
冇水點蒸呀! 唔乾水架咩?
wakakaka...... 佢地有所不知!
技巧在於....... Staub & LC喇
這2種煲, 鎖水力極高, 只要有帶水份的食材(豆腐, 蔬菜)一齊蒸煮, 真係一滴水都唔駛落架!
其實汁的來源, 離不開蔬菜水份, 肉汁及醃料!
.. 
...... .. ....... .. ..... .. .......今次, 我用咗金針及雲耳舖底, 再倒入雞件, 紅棗放面, 蒸20分鐘就食得!
其實, 金針雲耳唔一定要舖底先得o既, 同雞件撈勻一齊放入鍋入都可以!
係我今次玩下新花樣啫........ heehee......
材料:
冰鮮雞一隻
金針雲耳適量
紅棗3大粒
薑絲適量
醃料:
豉油3湯匙, 砂糖3茶匙, 燒酒3茶匙, 麻油1茶匙
做法:
1. 冰鮮雞解凍切件, 加入醃料備用
2. 金針雲耳浸軟, 清洗後去硬頂, 金針打結備用
3. 紅棗洗淨去核, 切絲備用
4. 金針及雲耳舖底
5. 將雞件連汁倒入凍鍋內(唔駛落油), 加入薑絲及紅棗
6. 先用中火蒸5分鐘, 再轉細火蒸多15分鐘即成, 食時先開蓋
溫馨提示:
1. 雞件最好醃夠3個鐘, 咁先入味架 (唔夠時間的話, 起碼都要醃半個鐘)
2. 金針打結, 會精緻d, 宴客一流
3. 蒸雞時間, 因雞隻的大細而定, 請自行執生!
沒有留言:
張貼留言