自從農曆新年開始, 一直未有停過~~ 超忙呀!
公司及屋企都忙到一頭煙~~~
連老火湯都唔得閒煲, 超dry呀!!
真係頂唔順喇, 琴晚終於煲咗花膠湯, 潤一潤佢先~~~
女人唔補點得丫..... 點出去返工及照顧屋企呀!!!
所以..... 早前d膠食晒, 已經即刻入返2斤補倉..... 一於慢慢食~~
得閒煲下湯, 炆下膠湯, 又燉下鮮奶....... 真係好滋潤~~~
講開又講, 用Staub黎煲湯, 真係快靚正~~
只係煲2個鐘咋, 已經超濃, 好夠味~~~
而且開頭半個鐘中火, 之後全程細火, 由得佢慢慢煲, 超慳電~~
雖然Staub & LC煲好貴, 但貴買平用, 又有售後服務, 個煲一有咩事, 有得做body check架..... 再嚴重d冇得救的話, 換過個新比你添
...... 但當然唔包人為因素啦! 
材料:
花膠5隻
豬尾骨$40
紅蘿蔔1條
猴頭菇2個
螺片1塊
蜜棗3粒
杞子一把
蓮子少許
淮山4片
做法:
1. 洗淨所有材料, 豬骨汆水備用
2. 煲滾清水(約煲身2/3咁高), 加入所有材料, 中火煲半個鐘
3. 轉細火煲個半鐘, 落鹽即可
材料及做法逐格睇:
這是所有材料, 好簡單呢~~
先用中火煲半個鐘 (已經好出味&出色)
再轉細火煲多個半鐘~~
話咁快就煲好喇..... 趁熱飲返碗先~~ Yummy!!!
沒有留言:
張貼留言