宴客@教會弟兄姊妹

用咗LC & Staub之後........

我覺得自己變得好客咗!

自農曆新年開始, 已邀請4批同事好友到訪,

三個月有4批客人....... 好密下呀~~ 

一齊聚下, 傾下計..... 好開心架! 

雖然....... 我的廚藝唔係太精, 但好想同其他人分享LC & Staub所做的菜式~~~

廚藝唔得, 唯有用工具及器材撘夠吧...... wakakakaka 

希望每個客人都食得開心,

更希望可以滿意小妹所做的餸菜~~~~ hohoho 



今次教會朋友到訪,

一共有4位大人及3位小朋友.......

這次聚會, 我安排咗以下餸菜:

1.  花膠螺片湯
2.  清蒸紅鮪
3.  紅酒牛肋條
4.  魚鬆炒菜心 （可惜買漏咗魚肉）
5.  無水蒸豆腐排骨臘腸

弟兄姊妹都好滿意今晚的餸菜，全部幫我食清, 佢地特別欣賞紅酒牛肋條，係佢地最鐘意的一個菜。

見倒家中的LC & Staub煲，佢地都知我有幾瘋狂~~~哈哈  

仲問咗我好多有關這2個牌子的資料，如用途，用法及特色等問題，大家都對依d鉄煲的神奇功能，感到O咀！

哈哈，有位姊妹問我邊度有得買，我又放毒成功？參加LC & Staub飯局，真係一定會出事架~~~ wakakakaka....... 其實好野，都係想同大家分享下啫！係咪??

紅鮪超大條呀，魚檔阿姐話要蒸12分鐘，果然得喎，好好好滑呢，加埋熱油及豉油，真係冇得頂！Yummy~~~ 

因為人多，要出動這個大湯煲，足足煲咗3個鐘，個湯超甜超濃架！

我的拿手小菜，炆咗40分鐘咋，林到連阿婆都食倒架！食譜請睇返我以前的post啦（牛肋條2磅，薯仔1個，甘筍1條及蕃茄2大個）

左面果樽係月桂，用黎炆牛肉香好多架，因為煲的鎖水功能超掂，紅酒唔需要落咁多，買一支250ml的紅酒已經足夠喇！

這是2磅牛肋條的份量，份量剛好呢！後中的2支白酒, 因為特價而買定, 以備不時之需啫, 唔係for這個餸架, 哈哈~~~