好開心, 終於有時間去上海街尋寶~~~
上海街兩邊的舖頭多數賣廚房用品, 仲有好多烘焙用品添......
鐘意整野食的你, 有時間一定要去睇下, 包你有收穫!
阿女就至開心, 係舖內走黎走去, 成日拎人地d貨黎玩~~~ 超high呀!
兩父女仲同貓貓玩, 但阿貓訓醒伸懶腰時, 阿女又驚.....
哭住跑黎搵我, 真係比佢地兩父女激C!!
行下行下...... 唔經唔覺就2個鐘~~~
太多野買喇, 收穫好豐富..... 好豐富!
買咗幾樣野, 包括有:
1. 刨子 (刨粗絲, 幼絲及薄片)
2. 石盅 (用黎盅碎食材/香料)
3. 花花及白兔仔模 (chop紅蘿蔔花)
4. 24cm竹蒸籠連蓋
5. 量杯
刨子想買好耐, 可惜係Sogo一直搵唔倒
~~~ 今次見倒佢, 點會放過呀! 一於買返盒先~~~
石盅係用麻石做的, 比起LC盅, 重手好多!!! 而且大可以粗用, 唔駛驚整爛~~~
成日比Hubby話我個LC盅成個玩具咁, 佢頂唔順喎.......
要買個石盅比佢自己用~~~ 啍~~
各式各樣的蒸籠~~~ 花多眼亂呀
仲有竹墊, 做煲中煲就大派用場啦~~~
這是我買的蒸籠, 價錢比其中舖頭貴少少, 但quality好好, 值得... 值得~~~
廚房有d咩, 依度都可以買倒架~~~
右下角的刨, 就係我買果盒喇~~ 刨絲, 刨片都得架!
蒜蓉器及豆腐cutter(綠色packing果包)...... 有波浪紋效果架..... 但掛住睇其他野, 唔記得買!!
木筷子, 鑊鏟及木匙.....
兩父女選緊石盅..... 幾用心~~
枮板, 印模, 木椅~~~
紅蘿蔔印模
麻石石盅~~~ 好重手呀!
各式各樣的刀子, 菜刀, 串燒叉~~~
Charlie 幫我選量杯, 好乖呀
畢豆花的東西..... 價錢由$28 - $40不等!!
好多烘焙用品呀!
幾多Tart模, 糕盤~~~~
這是我的收穫, 豐富嗎?
這2個印模好靚呀, 好like~~~
Hubby買的石盅~~~ 好夠份量呢!
意外發現, 蒸籠都啱24 risotto用架, 又多樣野玩下~~~
so fit 呀~~~~
個蒸籠好fit呀！正！
回覆刪除我想問吓如果staub整豆腐花的話，可否用豆腐花個鐵鏟的？還是要用木匙呢？
[connie回覆05/10/2013 08:22:43]good~
[版主回覆05/09/2013 23:03:33]~係呀Connie, 真係fit到漏架!!!
~當然用豆花鐵鏟好畢好多啦, 用的時候只要小心d, 唔好畢咁邊就ok(唔好刮到個煲邊, 驚刮花呀), 用木匙畢得冇咁靚架, 因為太厚身喇, 會容易出現紋路!
~不過我都冇買豆花鐵鏟喎, 只係用薄身金屬大spoon去畢咋, 效果ok架~~~
Set刨我一直在找呵！你係邊間買㗎？幾銀吖？（好心急呢…）😁😝😜
回覆刪除[版主回覆05/10/2013 10:10:37]~中環當然貴啦~~~ 我仲未用呀!!
~你快d去買啦!!
[EneriBebe回覆05/09/2013 23:45:20]我早兩日先又去四處揾吖！依架有你報料實在太好了，慳腳力仲買平過中環那些店超過20〜30%吖！
你用咗未呢？我趕快呢一兩日去買先！
Thanks so much！
[版主回覆05/09/2013 23:05:22]~咁啱o既... 我都搵咗成年呀!!! 鳴.... 鳴....
~我係陳枝記買的, $255一盒~~~
我都有個石盅跟咗我十年八載，早前見異思遷想敗LC Mortar時竟嫌棄佢重想送比人吖！好彩最終都冇咁做…因為都有同感LC的Mortar好似好兒戲囉，haha。
回覆刪除[版主回覆05/10/2013 10:09:33]哈哈哈..... 雖然沉迷LC, 但都有清醒的時候~~~
[EneriBebe回覆05/09/2013 23:51:21]係「識貨」至真！
[EneriBebe回覆05/09/2013 23:47:57]Agreed totally！都係你試貨，哈哈！😁😁😁
[版主回覆05/09/2013 23:07:08]嘩.......... 好彩你冇放棄個石盅咋, 都係好好用~~~ LC真係冇得比啦~~~ 似玩具多d囉, 得個靚字架咋~~ 哈哈......
去到真係好多野睇, 但又唔可以樣樣都買呢~
回覆刪除[Lam...回覆05/10/2013 11:26:21]好多睇就好有用, 但我又唔用, 所以都冇落手買到, 買多兩件STONEWARE好過啦~
[版主回覆05/10/2013 10:13:57]d野唔大件喎, 好易收藏架咋!! 去睇下啦~~~
你買的蒸籠Quality真不錯，要幾錢吖？
回覆刪除係咪陳記買㗎呢？
[版主回覆05/24/2013 14:02:15]唔好客氣, quality真係好掂, 包你摸上手, 一定會買返屋企~~~
[EneriBebe回覆05/24/2013 00:29:29]都唔平喎…不過一分錢一分貨！
等我揾日出去👀👀先，唔該哂！
[版主回覆05/23/2013 15:36:51]~哈哈..... 好勁喎, 咁都睇倒quality好!!
~講真, 這個蒸籠quality真係超好架, 好滑, 又冇咩竹'次'.... 蓋+籠身各$40, 即total $80~~~ 陳記冇蒸籠賣架, 我係陳記前幾個舖位買的(油麻地方向), 係同一邊的舖頭~~~ 門口正中有幾個column的竹蒸籠, 好易搵~~~ 全條街的蒸籠都唔夠佢d靚架~~~ 係就係貴咗少少, 但物有所值!!