經過年半的集煲行動, 家中煲煲一大堆!!
賊佬入屋一定怕重, 唔會攞~~~ wakakaka.....
我之前將Staub 24cm公雞煲, 南瓜煲及LC 24cm risotto放係地櫃入面架,
方便收藏, 用先拎出黎嘛(多數用黎煲湯/ 炆野, 平時用細煲居多架)......
但最近發覺...... 由地櫃拎煲出黎時, 雙手有少少痛, 唔通舉鐵太多?
經過年半時間..... 久而久之~~~~ 內傷咗???
唉....... 唯有將大煲放係爐頭隔離啦, 方便d攞, 雙手就冇咁痛啦......
實驗咗幾日, 果然冇咁痛喎......
但就比人話..... 成日都將d煲搬來搬去, 唔知攪咩囉~~
爐頭左面放三個煲仔及馬騮2人組
架上又放d~~~ 心心, 黃椒, buffet, 17 oval及baby pan
依家地櫃只放380, 大煎pan及stainless steel大湯煲咋~~~
我的廚房花盆~~~ so colourful
我都有想過細煲番嚟後,一定要將大煲放入櫃,依家睇你咁講,真係要度下,唔只雙手,仲有條腰....
回覆刪除[版主回覆05/28/2013 22:24:35]哈哈，咁你要好好諗下喇~~~ 我有版你睇，小心雙手同條腰呀！
小心唔好整親，不過你執得好整齊！
回覆刪除[版主回覆05/29/2013 11:45:12]哈哈，依家好好多喇！
賊佬唔會搬d煲,不如放全部家當放入去煲裡,好過放保險櫃 haha
回覆刪除[版主回覆05/29/2013 12:50:21]good idea 喎~~~~ 邊個會諗到家當會係煲內呢~~~
嘩~ 好多煲呀, 我冇位, 全部放入櫃, 好彩唔係煮得多餸, 唔係真係舉鐡手都軟呀
回覆刪除[Lam...回覆06/04/2013 15:37:21]咁都唔叫多.... 我唔介意你分啲比我囉
真係日日搬上搬落都幾煩, 不過唔搬又冇得用
[版主回覆06/04/2013 14:05:55]我唔係好多啫....... 你都要小心雙手呀~~~ 舉鐡有代價架~~