今日sat off~~~
同路明一早去完晴晴學校的家長日,
就即刻去花墟公園的農產品展見識一下~~~
嘩........ 真係大開睇眼界呀! 好多野賣, 包括有南貨(花膠, 海味), 有機蔬菜, 健康產品, 植物及種子等....... 多到數唔晒呀~~
我地對有機蔬菜好有興趣, 行咗一個圈, 就馬上入貨啦~~~
入咗d咩?? wakakaka........ 下個post先講啦!
依家介紹一下今日的所見所聞先~~~
有多種植物的真身, 供市民了解及認識..... 有粟米, 蜜糖豆, 辣椒, 士多啤梨......
超大條的白蘿蔔呀~~~
婆婆及靚太們, 買得真好開心
人頭大的西蘭花及椰菜花~~~
好新鮮的新界香蕉, 要幾多切幾多!
嘩........ 好大碌的芥蘭呀
黃色的椰菜花, 見過未?
茴香就聽得多喇, 真身都係第一次見咋~~~
右邊的係黃薑呀~~~
好大棵的西芹
原來紅蘿蔔仲有紫色及黃色架 (美國種)~~~~
依d係mini 版紅蘿蔔, so cute~~~
成隻手咁長的西芹~~~ 大棵到好得人驚呀!
又係一個超大隻的沙葛~~~ 菜檔姐姐比我地試食, 嘩...... 食咗唔得了喇, 非買不可!!!! 超甜呀, 又冇渣, 而且好清新~~~ 好似食緊雪梨咁架!!!
沒有留言:
張貼留言