Staub - 竹蔗茅根

最討厭就係冬天呀.......

又凍又乾燥, 攪到成個人都好唔舒服~~~~

喉嚨超乾呀, 仲間中咳一兩聲添.......

所以, 煲咗一大煲竹蔗茅根,

一於當水飲啦, 晴晴超like架~~~~



材料:
竹蔗2支(每支約30cm長)
茅根一扎
蜜棗3粒
紅蘿蔔一條
馬蹄半斤
清水1L

做法:

1. 清洗竹蔗表面及切段, 斬開一半備用

2. 紅蘿蔔去皮, 切成大件; 馬蹄去皮備用

3. 煲滾清水, 加入所有材料, 用中火煲至滾起

4. 轉細火煲一個鐘即成



竹蔗表面好dirty架, 一定要好好清洗, 我慣用百潔布, 好work的......

睇下, 前排竹蔗跟後排的2支, 係咪差好遠呢?



清洗好之後, 將竹蔗斬開一半, 方便出味~~~  

買咗半斤馬蹄, 但得一半可用.... 

加入所有材料, 可以開始煲喇~~