癲價樓市

近幾年, 樓價真的升咗唔少.........

感覺上, 有d心寒......  

依家的上車盤, 居然講緊三四百萬, 面積只不過係大約四百呎!   

一般剛畢業的大學生, 要入市話, 真的好大壓力, 除非有家人幫助吧.......

我覺得, 樓價的升跌...... 根本係炒家, 樓市氣氛及外圍因素所控制........

依家值三四百萬, 曾幾何時......... 咪只值百多萬!!!  



上星期政府又再出招, 真係可以壓抑炒風及樓價嗎?

唉......... 我估隔一段時間, 等市場消化咗消息, 咪又再癲過...........

難為咗要上車的用家啫........

樓價的升幅, 一般打工仔又點樣追呢???

其實三年多前, 我地都冇咩planning去買樓.......

因為業主大幅加租, 而引發我地入市!

入市一年唔夠, 阿女就出世喇.....

而且又多咗個工人姐姐, 覺得唔多夠住!

於是又再換樓, 即依家的居所! 

這三年的改變, 包括入市, 攪裝修, 生bb, 換樓, 又搬屋......... 真係好累!

未來十年內, 我相信我唔會再搬, 因為唔想再煩.......

好想安安樂樂咁生活........ 而且我好滿意依家的屋企及居住環境! 



好朋樓神George曾經講過, 我地係時候要一變二!

即係用依家層樓一開二, 一間自住, 一開作收租用........

當然面積一定會細咗, 而且冇可能keep到依家的開揚景觀........

依個先係我唔捨得的原因, 個景咁靚, 當年睇樓, 第一眼就鐘意咗.......... 著迷ing......

依家叫我放棄, 真係唔容易!!!  

而且size細咗......... 屋企雜物又多(尤其係阿女的玩具+我的煲煲碟碟)........ 點收納呀? 唔通要搵迷理倉幫手呀?? 

我驚到時住唔慣........ 而屋又賣咗! 我會怨自己一世架.......... 

為免這個情況出現, 我係唔會放棄現居!!!!   

算我不知進取吧!!!