睇下......... 我一滴水都冇加架.......
蒸出黎, 真係會有好多汁....... 餸飯一流!
雖然冇加水, 一d都唔會痴底架, 放心去煮吧!!!
最重要係火候控制, control倒就一d都唔難........
初時, 我都唔係好識用, 唔係生, 就係過鞋 (over cook) .......
但經過多次努力嘗試, 開始明白個中技巧喇!!!
依家煮 無水蒸野, 100%成功架!!! wakakaka.....
材料;
排骨$30
百褔豆腐一盒
排骨醃料:
豉油3茶匙, 砂糖1.5茶匙, 生粉半茶匙, 麻油少少, 清水一湯匙
做法:
1. 先醃好排骨(至少半個鐘, 會入味d)
2. 將百褔豆腐切開6件舖底, 排骨放係豆腐上面
3. 中火煮5分鐘, 再轉細火煮多20分鐘, 熄火焗10分鐘即可
沙朗,
回覆刪除-我都想試下冇水蒸餸，但成日都驚蒸壞個煲. 哈.
-但最後,我見蒸完,有好多水出現,又幾好.
[版主回覆11/10/2012 14:43:59]Haha....... 係呀，只要跟菜/金針雲耳/豆腐一齊蒸就冇問題，但如果只蒸肉類，冇以上所講的配料，就要加2湯匙清水。