今日返工冇耐.......
收到工人姐姐電話, 話阿女唔多舒服, 個人好累, 又呆呆地.......
我即刻飛返去同佢睇醫生啦!
臨出門口, 阿女嘔得好勁, 成身都係呀.........
佢竟然話: 媽媽, 嘔咗舒服好多喇.......
佢真的大個女咗............ 識得表達自己! 感動ing.......
醫生話佢感冒菌入腸, 所嘔同肚仔痛.......
返到屋企, 洗落半杯米, 煲瘦肉粥比佢食下....... 清一清腸胃啦!
今日又用咗新寵黎煲------> 粉紅心心煲........... WAKAKAKA
材料:
白米半杯(量米杯)
食油半茶匙
碎瘦肉$10
清水半煲
瘦肉醃料:
豉油2茶匙
砂糖1茶匙
做法:
1. 瘦肉斬碎, 加入醃料醃半個鐘
2. 白米洗淨, 加入食油攪勻, 醃15分鐘
3. 加入半煲清水, 滾起後轉細火, 煲1個鐘
4. 碎瘦肉先加入一湯匙凍滾水攪散, 再加入白粥內攪勻
5. 試味即可
溫馨提示:
1. 煮前加入食油醃15分鐘, 可令到煲粥綿d架, 好食好多!
2. 落碎瘦肉之前, 記得要用凍滾水攪散, 以免倒入白粥時, 變成一舊舊
沒有留言:
張貼留言