唔好以為我只識敗家呀~~~
我都有慳家的一面!!! wakakakaka.......
Steamer 想買好耐, 之前諗住買LC的出品! 襯返一套嘛......
但見到Happy Everyday有關美亞steamer的介紹, 真係心動咗!
價錢跟LC steamer真係差幾十條街, 折實後門市價只係$119 咋(24cm) !! 抵到冇朋友~~~
唔買又點對得住自己呀..........
而且仲有兩隻耳仔, 容易拎好多呀!美亞steamer有四個size, 包括24, 26, 30 及32cm........
24cm steamer 就啱晒我的Staub魚仔蜂巢鍋用~~~
其實, 配LC都一樣啱架, 睇睇佢幾夾我新入門的Lilac Mist 24cm Risotto~~~ wakakaka!
日後, 蒸野就更easy啦~~~
滾湯同時又蒸野, 好慳時間呢!!!
又係我呀! 唔好意思太多嘢問, 問題少婦我問sales姐姐蒸嘢係咪好保水? 佢叫我唔好攞離蒸喎! 佢話d倒汗水會流落d餸面咁碟餸就水汪汪喇! 係咪真ka? 因我想用來整蒸饅頭呀! 見你個蒸籠好fit呀!
回覆刪除[版主回覆03/05/2013 14:55:17]唉.... 冇計啦, 我地好鐘意自家煮, 健康d, 平d~~~ 所以投資咗唔少係廚房度! 但覺得好值得架, 貴買平用嘛~~
[connie回覆03/05/2013 13:55:40]你真係彈藥充足呀！買咁多嘢！勁！
咁我唯有搵日自己做白老鼠試一次啦！如果ok無事我都會學你買個蒸籠方便好多呢！
[版主回覆03/05/2013 09:01:40]@哈哈~~~ 其實買咗個蒸籠, 我都未得閒用呀, 所以答唔倒你~~
@唉...... 我琴晚又敗咗個Miele電蒸爐, 我諗個蒸籠都用唔著囉~~~
[connie回覆03/05/2013 08:24:25]解釋得好詳細呀!
咁如果用蒸籠去蒸包或自家餃子會5會有倒汗水滴落離ka? 咁保水我怕d包會濕喔!
昨晚用蜂巢去蒸飯, 好得呀!
[版主回覆03/05/2013 00:29:40]@唔好咁講啦，新手一定有好多疑問，上當年我都係咁！隨便問啦！
@其實蒸野，可以重兩方面解答你的問題：
1）無水蒸野（蒸雞、豬肉、排骨、魚），可以係鍋底加菜、金針雲耳、豆腐、薑段，再鋪上肉類，水都唔駛落架，中火先煮5分鐘，轉細火煮多20分鐘即可，當然蒸魚要短d時間啦。如果唔加菜，例如蒸粉絲帶子，蒜蓉花甲，只要加入2湯匙清水就得，好容易煮架咋。
2）加蒸籠蒸野，同用鑊隔水蒸道理一樣，下層可以滾湯，上層可以蒸排骨架，真係快靚正！
@緊記每個爐頭的火力都唔同，要自行摸索，煮多幾次就能掌握，努力呀！