近期因天氣關係, 覺得好乾燥, 好dry........
成個人都冇咩精神....... 好唔想返工!!!
中咗六合彩, 唔駛做就最好喇......... 可惜到依家都未到我中!
唯有死死地氣...... 繼續返工搵錢吧!
木瓜無花果豬骨湯真係超潤架, 用Staub24公雞黎煲, 就最perfect喇........
份量啱啱好, 約有六碗湯, 一餐飲晒就最好啦! 夠新鮮嘛!!!!
唔駛睇火, 由得佢慢慢煲.......
兩個鐘就有靚湯飲, 快靚正!!! 又濃又清甜, 好夠火候架......
材料:
青木瓜1個(細size)
豬骨約$40
無花果2粒
蜜棗2粒
南北杏適量
百合適量
蓮子適量
圓肉適量
做法:
1. 豬骨洗淨汆水備用
2. 青木瓜去皮去核, 其他材料洗淨備用
4. 煲滾清水(約六成滿), 加入所有材料
5. 中火煲30分鐘, 轉細火煲90分鐘即可
因為個湯太鮮甜, 我連鹽都唔落, 原汁原味架! 
沒有留言:
張貼留言