暴雨過後

星期日一早5:45, 我比雨聲+雷電聲嘈醒咗.........

嘩........ 好得人驚呀! 出面大雨到連對面岸都睇唔倒! 白茫茫一片!

大雨一直落, 冇停過.......... 原來我地e 區係錄得150mm雨量....... 真勁呀!!

咁大雨....... 都係第二次見咋!

wakakaka......... 第一次就係我地入伙果日, 好彩搬好晒野, 先黎落雨咋!!!!

wakakaka.........  係咪好驚險呢??



大雨過後, 海水變得黃泥色, 勁似Macau個海呀!

一定係山上的沙泥, 經雨水渠沖到海中啦........

足足要等半日, 個海先變返藍色!

中山茶果

星期六, 媽咪同阿妹+熙熙一齊黎我屋企,

我地先到樓下飲個靚茶,

再上我屋企坐坐, 因為有野比阿妹!

媽咪仲帶咗阿爸親手做的中山茶果黎添......

係鹹味黎架, 餡料包括: 花生, 蝦米, 冬菇, 豬肉, 大頭菜....... I like it  

做法好簡單, 先用搓好的糯米糰包住已炒過的餡料, 再用蕉葉包起去蒸.......

咁樣, d茶果就唔會'痴'埋一齊啦, 食起黎都方便好多!

係HK, 我都見過有類似的茶果賣........ 但味道一D都唔同我地的中山口味!!!

所以, 真係自己整果d好食好多!!!  

滑一滑阿婆豆腐花

元朗真係好多野食!

今次我帶路明去食阿婆豆腐花, 滑到冇朋友架........

好味到, 我地要外買多一啘比阿女添!

時令生果

星期六同路明到元朗行行.......

見倒好多時令靚生果, 真係忍唔住要買呀! 因為大靚喇!

我地買咗半個大西瓜, 地們菠蘿, 一磅提子........

老闆好好人, 可以切半個西瓜比我地....... Wakakaka......

個西瓜起沙架....... 好甜好靚! 阿女超like呀!

開心@歡樂天地

自從玩過歡樂天地的機動車車, 阿女就上咗隱喇......

每次去到Jusco必定要去玩下先安樂......

比佢玩一陣都OK的..... 但過份沈迷就唔可以! 所以每次都只係玩3個機動遊戲就走架喇........

阿女都好合作, 好乖....... 玩完就走!

自家燒肉

路明order要食燒肉,

仲自己買咗一大件豬腩肉, 叫我整比佢食......

其實做法好簡單, 只要舖上一層粗鹽, 用五香粉醃過夜就得!



材料:

五花腩斤半
五香1湯匙
粗鹽適量

準備工夫:

(1) 先將五花腩清洗好&抺乾, 切開三條

(2) 用五香粉搽勻五花腩(皮除外)

(3) 豬皮舖上一層粗鹽, 約0.5cm厚

(4) 唔好包保鮮紙, 將五花腩直接放入雪櫃, 醃過夜!


做法:

(1) 預熱焗爐10分鐘, 200度火

(2) 扲走豬皮上的粗鹽, 再用錫紙包住五花腩(豬皮果面除外), 放入焗爐 (千其唔好用水清洗豬皮) 

(3) 先以200度焗10分鐘, 再轉170度焗60分鐘

(4) 放涼後, 即可切件上碟

梅香鹹魚

係Macau, 我買咗條梅香馬友, 好大條架...... 有排食呢!

先用濕tissue抺過魚皮, 之後就可以切件!

放入玻璃樽內, 倒入生油, 浸過面即可! 超方便呢........

Staub & LC - New Collection

wakakakakaka.......

多得老公支持, 我又敗多2件!

分別係漸變黃煎pan及紅色心心煲!

d煲真係好多........ 唔可以再買! 冇位放喇!!! 

Staub's Knob

Staub's knob好靚, 分別有公雞, 蝸牛及魚仔.....

一直好想換, 今次一口氣買咗3個, 一於換晒佢!

真係好鬼靚架........ 換咗當堂唔同晒! wakakakaka

表妹百日宴

上星期六及日, 一家三口過咗Macau.......

事關係表妹出世100日, 阿姨叫齊我地過去飲, 當然包括阿媽, 阿妹佢地啦........

好攪笑, Macau的乳豬係唔切架..... 全隻上枱!

侍應姐姐會係我地面前剪開, 再分!

第二道菜係魚生拼盤, 仲有鵝肝!!!!!!!!!!!!!!!!  wakakaka...... 我第一次見!

咁食法, 係咪特別呢??

Staub - 12345 數字骨

哈....哈.....哈!

早幾日, 突然好想食"數字骨"........

其實........ 咪即係糖醋骨! 甜甜酸酸的, 天氣咁熱, 好開胃架, 飯都食多幾碗呢......

因為調味料的比例, 分別係12345...... 所以叫數字骨啫!

這個餸簡單又易做, 45分鐘就食得!

炆完之後, d排骨又林又滑架........ 冇牙婆都食倒!

 

材料:
半肥瘦排骨(約$25)

調味料:
燒酒1湯匙, 豉油2湯匙, 鎮江醋3湯匙, 冰糖4湯匙 (我用咗1片片糖代替), 清水5湯匙
做法:
1. 先爆香薑片及蒜頭
2. 落排骨, 煎至金黃
3. 倒入調味料, 以細火炆45分鐘
4. 開蓋煮多一陣, 收下汁即可

魚肉粟米羹

這個係心機餸, 煮之前要拆好魚肉......

小d時間同精神都唔得!

好彩平時拆開魚肉比阿女食, 熟能生巧呀, 15mins拆好!!

煲落煲粟米罐頭湯, 加入魚肉, 打埋蛋花, 就食得!!!

味道超級鮮甜, 又有益! 正!!!

滑一滑蒸水蛋

好耐冇食蒸水蛋喇......
今次加咗少少蝦皮黎蒸, 好鮮甜呢.....
要蒸出滑一滑的水蛋, 唔係好難架咋!
只要明白水&蛋的比例及蒸煮時間就得!
這個配方, 係媽咪教的, 包成功架!

材料:
蝦皮2湯匙
蛋3隻
史雲生鮮魚湯(細包果隻)1包

做法:
1. 清洗蝦皮備用
2. 將所有材料混合, 碟面包鍚紙/徽波爐保鮮紙
3. 大火蒸13-15分鐘即可

千金難買心頭好

琴日行行下, 又到Sogo的LC店睇野
點知...... 咁就出事
我一口氣買咗6樣野, 樣樣都好靚, 好Like架!
尤其係粉藍漸變色的湯盅...... 好少見呢!
真係一見鐘情架, 唔駛諗! 一定要買你返屋企!

見蔬菜系列又做promotion, $528 for 2個......
死性不攺, 又想入貨!
但係諗清楚之下........ 又覺得屋企個鞋櫃頂, 已經放咗好多.....
真係冇位再放喇!
唔通要放入廚櫃??? 咁我咪唔可以成日見倒佢地囉.......
咁就...........冇晒買佢地的意義!
最後, 我唯有放棄!



留返的錢, 可以去買其他野.......
包括我一直好想買的加勒比海藍餐碟,
粉紅色心心pot mat,
27cm oval kiwi色焗盤,
粉紅色mini tagine stoneware,
勒比海藍2.25 qt pitcher
用Sogo卡, 仲有額外95折, 好抵呢!!! wakakakaka.......