向日葵

近日, 地盤出現咗向日葵花花海

全部都係阿姐種架

早前佢種咗好多蔬菜, 包括有白蘿蔔, 菜芯, 油麥菜, 荷蘭豆等等

今期就攺種向日葵

真係好靚, 成個人咁高架, 又大朵!

花兒開了

今個春天,

期待已久的朱頂蘭, 經過上年一年的休息,
今年終於開花喇!

等佢開花, 真係等到頸都長!

知唔知呀, 我地種咗佢都好多年架喇,

搬屋都要帶埋佢走, 夠長情呢........ wakakaka

唔知佢係咪休息咗一年呢? 今次佢一口氣開咗3支咁多........

其中一支仲有5朵花, 一般正常只有4朵花架咋......

可能補返上年果次掛! hee ...hee........

Staub@加勒比海藍

Staub都有加勒比海藍架, 特登係USA訂返黎

由order至到步, 足足等咗3星期, 真係等到頸都長!

今日放工返黎, 先知佢已經到步, 真係開心C我!

今次買的係20cm round, 煲仔細細, 用黎做煲仔飯一流架! yeah.........

這個色, 越睇越 like呀! wakakaka.......

Cappuccino & Mocha

今日又買多2盒Cappuccino & Mocha返黎

希望下星期d咳會好返,

咁我就可以試下喇, 好期待ing........

喉嚨痛

近期的流感真係好勁!

我前前後後, 足足病咗成個半月,

好返, 又病過! 拖拖拉拉......... 都唔知想點! 

再係咁...... 點算好呢? 我都唔知...........

依家食葯, 食到好似食飯咁........ 唉!

前日開始, 喉嚨又痛又痕......... 咳到死死下!

真係咳到停唔倒口...... 特別係訓低時, 就勁咳!

所以, 訓得好差! 同冇訓冇咩分別!!!!!!!



可憐的我, 今曰下午要開會,

喉嚨已經痛架啦, 仲要我不停咁講野....... 好想死!

講講下, 喉嚨又開始痕, 一路係咁咳...........咳...........咳...........



雖然........ 我今日都好醒, 帶定浸咗7 年的鹹柑桔返公司沖水飲架喇.......

可惜, 好似冇咩效咁......... 可能隻菌太勁喇!!! 

歡迎你

咖啡機己到咗我地屋企!

馬上開箱....... wakakaka, 當然要整返杯coffee飲下先啦!

Espresso味道唔錯, 拍得住出面買的架!

咁o既價錢, 有咁o既質數及享受, 我地覺得好抵..... 好正!

依家話咁易就可以沖杯coffee飲下, 清洗簡單又容易........

屋企飲咖啡, 冇難度啦!

Le Creuset Stoneware - 2 姊莓

LC停不了………

自從新加波返黎, 對LC好似發咗癲咁

係新加波仲未買夠? 返到黎香港仲係要買……

見海港城LC專櫃做特價, 於是又敗多2個stoneware

買咗2個莓莓 – strawberry & blueberry……. 好靚呀!

雖然, 價錢一定唔夠從新加波平架喇…….

但係……… 唔係千里迢迢咁運返黎, 貴HK$80/ 個係可以接受的!

Wakakakaka…….. 路明話送這2個莓比我, 希望我的LC集郵早日成功咁話……

真係好多謝你的支持呀! 我會努力架喇!

Nescafe Dolce Gusto

 

行開海港城, 無意中.....

比我地見倒這部咖啡機

經過講解後, 發現佢好易handle架咋.......




機仔細細, 用10秒就沖倒杯coffee, 啱晒我地e d 大忙人啦!

最正就係佢可以沖出5種口味! 包括有:
-Cappuccino
-Latte
-Mocha
-Chococino
-Lungo (齋啡)

佢唔止沖到咖啡，仲打到奶泡!

wakakaka........ 飲cuppuccino/ Latte都無難度啦! yeah......

熱朱古力都一樣得架! 整杯比阿女飲, 佢一定鐘意啫! 

 

健脾去濕湯

健脾&去濕, 係攺善濕疹的關鍵

若脾胃好, 體內冇濕氣, 濕疹自然好好多!

這個道理, 係中醫同我講的!




係葯材舖見到有健脾去濕湯包賣, 於是買咗黎煲比阿女飲

已經係第二次煲, 見阿女都肯飲, 於是再煲過!

飲咗這個湯, 阿女的濕疹明顯好咗........ 我諗都要keep住去煲lu.........



這個湯, 唔一定有濕疹先飲得, 普通人都可以飲, 總之大人細路都啱飲!

但有病者及大肚婆除外!

這個湯對身體好有益!!! 只要加條紅蘿蔔/ 粟米及豬骨, 煲3個鐘就ok!

味道甘甘甜甜的, 好易入口!

魚仔去腳皮

Singapore 新玩意 - 魚仔幫你去腳皮

做唔到路明咁勇, 諗都唔諗就去試 (SGD60/ 30mins)

店內有3個同size的魚池, 約1m x 4m咁大

但裡面放咗3種唔冋size的魚仔, 分晒group架, 包括有大, 中, 細三種

佢個look真係好似魚缸清道夫......




講一講個程序先:

1. 先清洗雙腳,  將雙腳放入細魚仔的魚缸內, warm up咗先........ 好得人驚架, 一放雙腳入去, d魚仔就湧晒過黎...... 咬住路明雙腳!!! 唔通佢地餓咗好耐?

2. 15分鐘適應期過後, 再轉去中及大魚仔池浸腳, 比大魚咬, 感覺好似電流腳底按摩架........一點點'吉吉'咁........ 但唔會痛囉......





整個過程, 我地一家三口, 好似動物園的動物咁, 係咁比人望......... 感覺怪怪的!

做完之後, 路明話雙腳明顯滑咗好多! 抵試架!!!!!!!!

Balloon

行下行下....... 無啦啦行到一個商場

見倒好多小朋友, 個個拎住氣球行過, 造型好吸引架!

原來, 佢地做緊promotion, 主題係balloon!

場內仲放咗一個超大的balloon機械人.......

製作好大!!! 好勁!!!!

Singapore 輕度接觸

咁大個人.....

今次係第一次去旅行有大病....... 發高燒, 重感冒, 傷風+咳........

真係病到CC下......

多數時間, 只係留係酒店休息, 食葯 & 訓教!

都冇咩心情及體力周圍玩囉!

只不過係坐過下Duckboat+Singapore Flyer咋.......

這個旅程真浪費!

Fairmont Hotel @ Singapore

Singaopre的第三及第四晚, 我地攺住位於市區的Fairmont Hotel

佢只不過係四星級, 當然比起香格里拉, 感覺上好似downgrade咗

好彩! 佢地的Cafe好得, 而且好有歐洲農村feel架 

配上美味食物及大量花朵, 真係令人興奮架!

如果可以住多幾日就好喇!