##EasyReadMore##
2012年11月29日 星期四
Staub & LC - 慳家本色 (Updated)
唔好以為我只識敗家呀~~~
我都有慳家的一面!!! wakakakaka.......
Steamer 想買好耐, 之前諗住買LC的出品! 襯返一套嘛......
但見到Happy Everyday有關美亞steamer的介紹, 真係心動咗!
價錢跟LC steamer真係差幾十條街, 折實後門市價只係$119 咋(24cm) !! 抵到冇朋友~~~
唔買又點對得住自己呀.......... 而且仲有兩隻耳仔, 容易拎好多呀!
美亞steamer有四個size, 包括24, 26, 30 及32cm........
24cm steamer 就啱晒我的Staub魚仔蜂巢鍋用~~~
其實, 配LC都一樣啱架, 睇睇佢幾夾我新入門的Lilac Mist 24cm Risotto~~~ wakakaka!
日後, 蒸野就更easy啦~~~
滾湯同時又蒸野, 好慳時間呢!!!
2012年11月28日 星期三
LC - 成功敗入Lilac Mist 24cm Risotto
路明對我真好, 係eBay買咗個全新的Lilac Mist Round Risotto 24cm比我!
其實係一個淺紫色的淺身鍋 - 日式壽喜燒鍋~~~
用黎炆野/一品鍋/打邊爐一流!!! 煲仔矮矮的, 好鬼cute!
顏色同家中的紫花煲一樣架~~~ 10,000個like呀!
我好鐘意粉紅及粉紫, 依家屋企已成功集倒2 粉紅及2 粉紫喇!!!! wakakaka.........
1. Chiffon Pink 心心煲
2. Chiffon Pink 17cm Oval Baby
3. Lilac Mist 花花煲
4. Lilac Mist round 淺身煲 (美國----> HK on the way, to be arrived in early Dec 12)
真係人都癲呀~~~
點解LC買極都仲有得買架? 我幾時先可以停低呢~~~~
依家正式宣佈: 我個廚房Full晒, 冇位再買煲喇!!! 真係要停手了~~~
煲煲未到前, 一於今個星期六日, 執下個廚房先.........
一直好想整理一下個廚房, 今次終於係時候喇!!!
執好後, 希望有多d位for我個新煲啦~~~
2012年11月27日 星期二
用咗LC & Staub之後, 廚藝退步咗??
專登煮個豆腐肉碎比阿女食,
佢好鐘意食架, 一食就停唔倒口的~~~ 撈飯仔食一流架!
路明話我........ 廚藝退步咗! 好傷心呀!
話時話, 我依一年, 99.9%都係用LC及Staub黎煮餸的.......
依兩個品牌真係好好, 只要用熟咗, close you eyes 都可以煮到好餸架! 冇難道~~~ 而且快靚正!
依家, 極少用屋企其他煲煲wok wok, 什麼孖人鑊, 煎pan及菲姐代言的某品牌煲煲........ 全部比晒工人姐姐用~~
因為太耐冇用喇, 已經生晒手, 更加唔記得要熱鑊落油添~~~ (同LC及Staub相反)
炒芥蘭一時攪錯咗, 凍鑊落油, 薑蓉及薑絲真係痴底到阿媽都唔認得!
唉........ 比路明見到我咁雞手鴨腳....... 忍唔住出口~~~~
話我炒出黎的薑汁芥蘭, 味道差咗少少~~~ 同以前有d 唔同!
所以咪話我退步咗囉
講真~~ 我都覺得真係差咗!
一唔用LC/ Staub, 我就handle唔倒喇~~~
算吧! 我都係focus係LC及Staub上面啦, 其他廚具唔再用lu.......
咁我咪唔會比人話廚藝退步囉!
反而只會比人贊, 炒菜青又綠, 又有鑊氣~~~ 而且又快開得餐添! wakakaka
訂閱:
文章 (Atom)