##EasyReadMore##
2012年7月30日 星期一
Staub - 煲仔飯(大成功)
好慘呀........ 近期腸胃唔多好!
一食街飯就肚痾......... 痾到個人都弱晒!!!!
星期六睇咗醫生, 乖乖食葯....... 好咗少少!
所以, 星期日都係自己煮下飯, 避免出街食....... 星期一又可以帶飯返公司!
用Staub黎煮煲仔飯, 的確考起我....... 令我有唔少錯敗感...... 包括: 肉唔熟, 生米, 飯太多水(太軟), 痴底.....
但經過多次的嘗試, 及參考Blog友的食譜........ 我終於學倒一d技巧......
今次做出黎的煲仔飯見得人喇........
排骨熟晒又juicy, 飯唔再生米, 但又唔會太軟身喎....... 而且冇痴底架, 粒粒飯都食得! wakakaka.......
因為冇痴底, 所以個鍋超易洗架! 用水及海棉已經攪掂!!! yeah!!
Control倒火候及時間, 係煮煲仔飯的先決要素.......
我會好好記往今次的經驗, 下次再煮煲仔飯一定會成功啦! hahaha
路明真係超級乞人憎呀!
佢居然同我講: 你個肚唔多舒服, 不如煲粥啦, 柴魚花生豬骨粥好嗎???
我怒啤佢: 點解要我煲你至愛的柴魚花生豬骨粥比你食呀! 我係病人黎架, 點解唔係你煲比我食呢?
路明: wakakakaka...... 講下啫...... heehee (知衰中.......)
材料:
白米2杯
清水1.5杯
排骨約$25
臘腸2條
醃料:
豉油3茶匙, 砂糖1茶匙, 麻油少許, 清水2茶匙
做法:
1. 排骨洗淨抺乾, 加入醃料; 臘腸洗淨切粒備用
2. 白米洗淨後, 浸水30分鐘備用
3. 將白米及1.5杯清水倒入鍋內, 用中火煮3分鐘
4. 開蓋, 用筷子攪勻白米, 轉細火煮5分鐘 (用筷子攪勻, 可避免痴底)
5. 加入臘腸排骨, 以大火煮2分鐘, 再轉細火煮15分鐘
6. 熄火, 焗15分鐘就食得(千其唔好開蓋)
Staub - 紅棗圓肉茶
2012年7月28日 星期六
Lace+花花+水玉
嘩........ 真係靚到冇朋友呀!
買咗唔少單行簿, Folder, Memo紙...........
全部都係Lace, 花花及水玉........ 粉紅粉藍色, 好鬼靚!!!
拎返公司用, 做起野上黎, 都醒神d呀!
Staub - 蓮藕魚餅
依個係心機餸....... 要花好多時間去整!
媽媽經常整架, 好好味, 又爽口......
但自從婚後, 都冇食過媽媽的蓮藕魚餅lu......
近幾日, 心血來潮好想食!!
材料:
蓮藕2節
蔥1棵
蝦米1湯匙
魚肉$20
調味料:
楜椒粉半茶匙
生粉1茶匙
芡汁:
豉油4茶匙
砂糖1茶匙
生粉半茶匙
麻油少許
清水細半碗
做法:
1. 蓮藕洗淨去皮, 刨成絲, 再切成1cm長, 洒上1茶匙鹽, 攪勻備用 (將蓮藕絲'嗱'至軟身)
2. 蔥洗淨切粒, 蝦米浸軟切粒
3. 將調味料加入魚肉攪勻, 再加入蓮藕絲, 蔥粒及蝦米粒攪勻
4. 將(3)搓成4cm dia x 1cm thk 的魚餅, 底面撲上少少生粉, 放入雪櫃雪半個鐘備用 (雪過後, 魚餅會硬身d, 冇咁易散
5. 鑊熱落油, 將魚餅煎至金黃色
6. 煮熱芡汁, 將魚餅回鑊, 略炒即可
2012年7月24日 星期二
十號風球 - 韋森特
好耐都冇試過打咁大風囉......
琴晚, 雨聲風聲好大....... 嘈到訓唔倒!!
一時冇lock d窗, 居然比d風吹到打開咗....... 成30cm咁闊呀! 好彩發現得早咋!!!!
可能住得太高, feel倒層樓有d搖, 有d暈暈地, 搖搖下的feeling.........
行雷閃電會出事....... d電制跳咗N咁多次....... 停完一兩秒又ok返......
樓下海面停泊咗好多船!!! 冇咗平時的漆黑...... 多咗唔少燈光...... 好靚~~~
上午10:00已改發三號颱風, d船隻都開始開走lu......
而我都要準備返工...... 樓下有唔少樹木被大風吹倒........ 成條街好亂, 好dirty!
這個風的威力, 真係好勁呀!
Staub - 無水粉絲蒸蝦
Staub - 粟米鬚 海底椰 鮮淮山 雪耳 響螺 豬骨湯
e個湯, 個名超長呀....... 冇計啦, 材料多嘛......
湯料好啱大人細路飲架, 健脾又滋潤架!
用Staub黎煲, 方便又快捷, 其實2個鐘就有老水湯飲, 唔駛煲太耐架!
煲出黎d湯好清滋架, 超似燉湯!!!!
而且好鎖水, 雖然煲咗2個鐘, d湯水都係低咗1cm倒咋...... 原沖原味, 一d都冇浪費!
材料:
粟米鬚 2兩
海底椰 6個
鮮淮山 半條 (約30cm長)
雪耳 1個
乾響螺 5個
蓮子百合芡實適量
豬骨 $30
做法:
1. 粟米鬚, 蓮子, 百合, 芡實洗淨, 海底椰去皮洗淨備用
2. 鮮淮山去皮, 切片, 汆水去潺備用
3. 雪耳浸軟去頂, 豬骨及乾響螺洗淨汆水備用
4. 水滾後, 將所有材料放入, 大火煲40分鐘
5. 轉細火煲多個半鐘即成
生日蛋糕???
書展@2012
2012年7月20日 星期五
半肥瘦叉燒
天無絕人之路
訂閱:
文章 (Atom)