地盤菜園

我估地盤阿姐想綠化一下我地的地盤, 洒咗一d菜種, 唔駛三星期, d菜就變成咁大棵, 分別有大白菜, 白蘿蔔, 因為冇人施肥的關係, 菜身比較幼....... 唔知邊位同事夠膽食呢? wakakakaka.......

 

秋季限定 - 栗子蛋糕

今年美心推出秋季限定 - 栗子蛋糕, 聽講佢地入咗一批天津栗子, 所以就有一大批栗子甜品推出市面喇, 行過地鐵站, 老公見到話要食, 我地買咗個半磅裝的mini栗子蛋糕試下, 栗子味道都幾清新, 但我覺得唔係好新鮮囉....... 似整咗兩三日咁........ 算吧! 出面連鎖店係咁架喇!

天絲提花床單

上回講到........ 去完台灣旅行之後, 一直念念不忘酒店的五星級床褥, 於是買咗張5' 的Sealy黎用!

由於床褥的size大咗, 床架及床單全部要換過晒......... 唉........

用過天絲之後, 真係返唔倒轉頭架, 實在太滑喇....... 即使用返760針, 都係覺得好'鞋'...... 唉...........之前唔應該洗濕個頭! 真係敗家!!!!

今次, 我買咗4 款極品天絲提花床單, 真係好鐘意, 好高貴呢!!! 又大出血喇...... 一次咁多啦!

 

品味牆貼

近日, 買咗好多牆貼黎裝飾屋企, 佈置後的飯廰及三間睡房, 即刻有晒生氣....... 比以前更靚! 以下只係部份牆貼咋! 最鐘意就係Q版 mini 屋仔同雪花, 窗上貼上雪花, 真係好有聖誕氣氛呀........

 

薯仔甘筍炆牛坑腩

材料:
牛坑腩斤半
薯仔1個
甘筍1條

調味料:
豉油1茶匙, 砂糖1茶匙, 麻油少許, 蠔油2湯匙




做法:
1. 清洗牛坑腩後切件備用(約8cm x 4cm大)
2. 薯仔甘筍去皮切件備用
3. 將牛坑腩煎至金黃, 加入薯仔, 甘筍及清水(剛過食材面)
4. 加入調味料, 以中火煮至再次滾起, 轉細火炆45分鐘
5. 調味, 加入生粉水打芡即可

Royal Robert 餐碟套裝

繼上次買咗一盒五杯五碟的Royal Robert百年紀念禮盒套裝, 今次又忍唔住再買....... 這款莆公英都係百年紀念套裝, 但係就多一隻碟

Wakakakakaka, 唔知點解, 近期真係好敗家, 唔停咁買野......

 

Cherry床上用品大特價

食過晚飯, 返屋企途中去咗先施行一行, 點知又係大出血!!!!!! 今期Cherry床上用品大特價, 因為換咗張5' 新床, 所有床單要買過晒, 今次一於買560針套裝先, 特價之後$699一套, ok抵啦! 買住一套頂檔先........ 諗住年尾, 到Cherry開倉, 先買多幾套1100針的天絲床單, 好滑架........ 好似絲咁柔滑....... 用過真係返唔倒轉頭架!

夏麵館

今晚, 我地一家三口到夏麵館開餐, 要咗個三人餐, 一d都唔誇張架, 因為我地午餐冇咩點食野! 仲有我至愛 - 桂花拉糕添...... 正呀! 估唔到阿女好鐘食桂花拉糕, 可能有桂花糖啦, 甜甜地, 小朋友一定鐘意食啦!

 

迷你玫瑰

這盆係路明買的迷你玫瑰....... 之前買過好幾盆大玫瑰, 都生蟲呀, 好卵得人驚, 今次唯有試下這款迷你種啦!

大頭玫瑰花

這兩打粉紫玫瑰, 係太子Flower Market 買架, 可以開到拳頭咁大, 配埋吉堇及靚靚花樽, 真係一絕呀!!! 放係餐枱上, 添咗唔少貴氣呢!

比利時藍梅

比利時藍梅係路明一直想買的植物, 因為之前舊屋唔夠大, 根本種唔倒!!!
到咗依家, 當然冇問題, 有大大的窗台, 種多兩棵都得啦, 而且又有充足的陽光, 一定生長得好好啫! 唔知幾時有藍梅食呢???

火山石餐枱

其實........ 火山石餐枱係幾年前, 我一早睇啱咗架喇, 但因為大貴, 所以唔拾得買! 單單一張餐枱, 唔包餐椅, 都要$7,800!!! 今次上深圳睇傢俱, 無意中比我發現類似的餐枱, 而且款式仲靚過我係香港睇中果張添........ 仲要係全實木黎架!

至於價錢, 當然比香港平得多啦!!!! 一枱連四椅, 只不過係RBM5,000咋, 為起上黎, 都係HK$6,000倒...... 係咪好抵呢!

韓食家

今晚飛起阿女, 同路明去食韓燒, 荃灣廣場的韓食家, 真的唔錯, 好好味架! 我地order咗兩個set dinner, 包前菜, 湯, 粉絲, 飯, 肉類一客及熱飲一杯!

 

買花

今日off, 一早聽完幼稚園的簡介會, 就約咗路明到太子買花...... 今次, 我地買咗好多野: 一盆粉紅迷理玫瑰, 一盆藍梅, 兩扎粉紫色大頭玫瑰及白色吉堇! 依家只係十月尾, 估唔到繽紛花藝廣場已經擺滿咗聖誕節裝飾用品, 種類及款式多的是!!!

 

 

大叔, 對不起!

致琴晚醫院的大叔：
真係唔好意思，琴晚我的語氣真係大咗，悔氣咗，sorry......  

事原：阿女琴晚十點，又係動作太大，左手手臼，再次甩過，一星期已甩第二次，真係比阿女激死。係等緊照x-ray期間，個大叔同我講，醫多菌呀，唔好帶d細路啦，mask又唔比佢...... 我果一刻，真係忍唔住向佢發炮，我明白佢的好意，但我真的控制唔倒自己。
我話： 你估我想帶佢黎架，黎醫院好好玩咩。大叔好冇引，一粒聲都冇出，馬上令轉頭。

  

荔芋炆雞亦

荔芋炆雞亦係秋冬餸必然之選, 簡單又野味!! 熱烘烘的一煲, 配上餸汁, 真係好好送飯呀!!

村料: 雞亦12隻, 芋頭半個, 薑片3塊

做法:
1. 芋頭去皮, 切件備用
2. 雞亦解凍清洗, 加入檸檬汁2荼匙, 豉油2湯匙, 砂糖3荼匙, 米酒3荼匙, 麻油少許, 豆粉2荼匙 (至少醃3個鐘)
3. 落油及薑片, 煎香雞亦, 直至兩面金黃
4. 加入芋頭輕炒數下
5. 加入清水5碗, 蠔油3湯匙, 當清水再次滾起, 轉中細火, 炆30 - 45分鐘, 直至荔芋及雞亦'林'身即可

注意:
1. 芋頭去皮時, 一定要帶手套, 否則痕死! 亦可叫菜檔代為去皮
2. 雞亦加入檸檬汁, 可以去除雪味
3. 炆到中途, 如果水份唔夠, 一定要加水, 否則會煮燶, 食得架喇!! 白廢心機
4. 可加臘腸片, 更加野味!

切菠蘿

前日係街市見倒好多又大又靚的地們菠蘿, 忍唔住買咗個......

wkakakaka, 其實係自己想食就真! ^.^ 老闆問我要唔要切, 我話唔駛喇, 我自己切就得!

hahahaha, 佢話我好叻女, 咁叻可以自己切, 仲話多數客仔都係要佢切埋, 唔會返屋企自己切架!

佢有所不知喇....... 我好鐘意切波蘿架, 特別係起釘, 又點會比人幫我切喎, 好玩又有成功感!!!

其實冇人教過我點切, 只係以前見過媽媽切, 大至上點切, 我都有少少concept 的!



要注意, 菠蘿切好後, 要浸15分鐘鹽水, 先可食用架!!!