2011中秋

一年容易又中秋!!! 大約仲有兩個星期已經中秋喇..... 今晚放工, 拎咗上年買的燈籠出黎佈置...... 好靚呀!   

 

不知名生果

老公係公司, 拎咗一個不知名的生果返黎, 裡面的果肉係一粒粒的, 睇落好靚, 但唔多好食, 每粒都有核, 可想言之...... 可以食的部份有幾多呢........ wakakakaka..... 食咗少少, 最後都係掉咗去! 

 

   

瑞士汁雞亦豆腐

材料:
雞亦12隻
炸豆腐2件
香草瑞士汁1支


做法:  

 

1. 解凍, 清洗雞亦

2. 雞亦要飛水30秒(水中要加入1茶匙食鹽&2塊薑片, 去除雪味)

3. 將雞亦放入冰水浸15分鐘, 抺乾雞亦備用

4. 清洗炸豆腐, 一開4, 切成8件, 之後飛水30秒(用返之前雞亦飛水的滾水就得)

5. 煲滾瑞士汁, 將雞亦,炸豆腐一起放入煲內, 中火煮5分鐘, 熄火焗7分鐘即成(千其唔好冚蓋, 瑞士汁會流晒出黎, 有排清潔呀)

 

 

 

 

 

 

 

 

 

羊奶片

阿女鐘意食的羊奶片......  見特價, $37一樽有70片, 馬上買樽比阿女食先! 

 

  

 

固體菜油

做麵包用開牛油, 但覺得太肥膩, 現在改用固體菜油, 好好多, 又健康! 而且1000g, 先係$52, 真係平過牛油好多呀! 

 

清蒸聖子

星期六行九龍灣, 買咗一盒帶子, $34.9 有十隻咁多, 今晚我地用豉汁黎清蒸, 好正呀!!!  
 

  

 

橄欖油+黑醋

星期六 (27/8) 去咗行九龍灣, 買咗一支橄欖油+黑醋..... 個樽的外型好鬼靚呀!  用黎點法包一流呀........ wakakakaka 

東海堂 - 十勝紅豆月餅

咁多年黎都冇買過月餅, 因為大多人比月餅劵我喇.....

但今年好破例, 我地買咗東海堂的十勝紅豆月餅, 仲送兩包迷理冰皮月餅添, 我地要咗流心富士蘋果兔仔 & 芒果栗子月餅! 好好味呀!!!  

 

 

  

 

 

  

 

 

栗子蛋糕

星期六整咗個栗子蛋糕比Fitri (家中姐姐), 事關佢今日(28/8)生日呀, 佢好感動, 又開心, wakakaka….. 佢話好開心收到我親手做的蛋糕呀, 仲話好好食添!!!