寒冷天氣警告

寒冷警告生效咗幾日!!!!

今朝起身返工, 真係鬼死咁凍.........

要從暖笠笠的被窩鑽出黎, 真係要有好大好大的意志!!!

窗外刮著大風, 加埋海風....... 真係難以形容的凍!!!

幾時先到夏天架??? 我好掛住妳呀夏天小姐.............

雞粒豆腐

材料:
雞扒1塊
百褔硬豆腐2盒

醃料:
豉油1茶匙, 砂糖半茶匙, 麻油及生粉少許, 清水1湯匙


芡汁:
豉油3茶匙, 砂糖1茶匙, 麻油少許, 生粉半茶匙, 清水半碗

做法:

1. 雞扒解凍切粒, 加入醃料備用
2. 豆腐切粒, 汆水1分鐘, 撈起備用 [註1]
3. 先爆香雞粒, 加入豆腐慢炒, 讓豆腐慢慢分開
4. 加入芡汁, 滾起後熄火上碟



溫馨提示:

[註1] : 豆腐先汆水, 可令豆腐定形(硬身d), 炒起上黎唔會咁易爛

止夜咳 - 薑粒炒飯

講開又講............

家中工人姐姐同我都病咗成個星期, 但佢已好返好多.........

佢只係仲有少少咳啫.......... 但就只係夜晚先至咳, 日頭唔會咳!

媽咪同我講, 依d就係寒咳.........

只要炒少少薑飯食, 飲下薑水.......... 就會好好多!




所以, 今晚就炒咗少少薑飯比佢食........... 仲煲埋薑水添!

果然得喎......... 訓時, 姐姐真係咳少咗好多!!!

見過我的炒薑飯示範, 我叫姐姐明晚自己炒喇! 希望食多2日薑飯, 佢會好d啦!



材料:
白飯一碗
薑粒半湯匙
雞蛋一隻
做法:

1. 先用白鑊炒香薑粒, 之後加入少許生油快炒數下
2. 加入白飯及1茶匙砂糖, 約炒5分鐘 [註1]
3. 加入蛋漿快炒, 直至飯粒可以粒粒分開即可
4. 落少許鹽調味

溫馨提示:

[註1] : 炒白飯時加入少許砂糖, 可令飯粒容易分開, 唔會痴埋一舊舊

翠肉瓜炒魚鬆

材料:
翠肉瓜2條
魚肉半斤($15)

芡汁:
豉油3茶匙, 砂糖1茶匙, 麻油少許, 生粉半茶匙, 清水2湯匙
做法:

1. 魚肉加入少許胡椒粉及麻油攪勻備用 (若加蔥一會更香)
2. 先煎香魚肉, 直至面金黃, 放涼後切件備用
3. 落油爆香蒜頭及薑片, 落翠肉瓜快炒, 加入半碗清水及2茶匙砂糖, 冚蓋煮2分鐘 [註1]
4. 將魚肉回鑊, 加入芡汁, 當芡汁滾起即可熄火上碟
溫馨提示:

[註1 ] : 煮翠肉瓜加入少許砂糖一齊煮, 會令瓜身更加翠綠, 唔會黃咁咁架! 炒其他菜都可以咁做, 道理一樣!

咳嗽良葯 - 矓脷葉煲瘦肉

感染咗流感已經個幾星期........... 仲係未好得晒, 仲有少少咳同鼻水.....

今晚, 一於買d矓脷葉黎煲瘦肉先, 醫咳好好架.........

以前媽咪都係咁煲比我飲架!



材料:
矓脷葉4兩($10)
瘦肉$10
做法:
1. 清洗矓脷葉3次備用
2. 瘦肉切片備用 (唔駛落調味料)
3. 煲滾15碗水, 將以上材料加入, 以中細火煲1個鐘
4. 落鹽調味即可 

溫馨提示:
1. 這個湯水, 要襯熱飲先好!

濕疹 - 蜂蜜軟膏

意外得知Comvita 旗下品牌 Medihoney對濕疹有幫助, 於是買咗一支Derma Cream蜂蜜軟膏黎試試!

用咗2日, 阿女的濕疹, 明顯好咗, 紅腫攺善咗, 而且冇咁癢! 搽完之後, 皮膚好滋潤!

軟膏有一陣濃烈的蜜糖味, 好清香! 



原來, Medihoney產品的成份中所含的抗菌蜂蜜係標準的醫療級蜂蜜, 來自茶結構樹科的花蜜, 具有獨特的抗菌作用! 100%天然產品! 特點包括:

1. 無添加色素或香料
2. 無羊毛脂
3. 無苯甲酸酯類
4. 無類固醇(可以用得安心)
5. 無礦物油





花蜜就係由這種花提煉出黎架喇!



根據說明書所講, Derma Cream有保濕, 修護及保護作用, 能舒緩乾燥皮膚, 提供適當的保護, 減少皮膚痕癢及紅腫!

對於有濕疹及皮膚炎人士, 係唔錯的選擇! Derma Cream能消毒殺菌, 止痕及滋潤, 成份包括有:

1. Medihoney抗菌蜂蜜
2. 椰子油
3. 德國甘菊精華
4. 月見草油
5. 蘆薈及維生素E

適合用於:
1. 敏感部位(面部)
2. 嬰兒及小童
3. 大範圍的皮膚患處
4. 可長期使用

風信子

路明送的花, 當中有幾支係風信子...... 仲係我最鐘意的紫色添!!!

因為花身太短, 放唔落花樽裡面.......

所以我將佢地跟黃金葛放埋一齊..... 效果唔錯!!! 

每次經過, 都會聞到陣陣的清香!!

Staub - 皮蛋瘦肉粥

 

過去一個星期, 病到死死下........

感染咗流感....... 流鼻水+ 咳........ 好鬼辛苦!!! 真係咳到肺都甩...........

日日咁食葯, 連胃口都冇晒........ 所以煲咗皮蛋瘦肉粥黎食!

我真係命苦喇, 作為病人, 都要自己煲粥, 點解路明同工人姐姐會唔識煲架????? !!!! 

竟然........... 要我這個病人親自出馬!!! 可惡呀..........

以前同媽咪住真好! 每次一病, 唔駛出聲, 必定有愛心靚粥食!!!!!  

今次, 我用咗Staub oval 27cm的綠色煲去煮!




材料:
免治豬肉$15, 皮蛋1隻, 米2/3杯, 水約15飯碗, 生油3茶匙

調味料:
豉油1.5湯匙, 砂糖2茶匙, 麻油少許, 生粉1茶匙, 清水半湯匙
做法:

1. 洗米後, 用生油撈勻備用 [註1]
2. 免治豬肉加入調味料備用
3. 皮蛋去殼, 切開6件備用
4. 煲滾熱水, 加入白米, 用中火煲再次滾起
5. 再轉細火煲1個鐘 (最後半個鐘, 加入皮蛋) [註2]
6. 免治豬肉用半碗凍滾水開浠, 加入白粥內攪勻, 煲多15分鐘 [註3]
7. 試味即可


溫馨提示:

註1 : 白米及油起碼要醃20分鐘架, 咁做的話, 煲出黎的粥一定棉

註2 : 煲粥時, 間中要攪下佢, 避免'痴'底

註3 : 加入免治豬肉前, 必須用半碗凍滾水開浠, 否則豬肉加入滾粥內會結成一'舊舊', 好難分開架