太耐冇煲糖水喇, 一於煮下紅豆吵先~~~
永安近日大特價, 買咗依個傘摸, 好可愛呢....
阿女超鐘意呀!!!
入好紅豆沙, 可以入雪櫃喇~~ 一陣有得食!!
Hee....Hee.... 食返碗先!!!
2014年1月1日 星期三
2013年12月26日 星期四
2013年11月25日 星期一
2013年11月17日 星期日
2013年11月15日 星期五
2013生日@廸士尼
今日阿女4歲生日!
我地一家又到廸士尼慶祝,
自阿女2歲開始, 年年生日都係廸士尼度過!
冇計啦, Charlie佢like嘛~~~
仲要指定同Micky & Mini 影相添!
2013年10月5日 星期六
2013學校秋季旅行@荔枝山莊 - K2
阿女整傷隻手都成個星期喇, 期間冇返學~~~
好唔容先氹倒佢肯去學校的秋季旅行,
單手去旅行, 超級唔方便呀, 唯有睇緊d佢!!! 樣樣跟到實~~~
其實, 去大棠荔枝山莊都幾悶架, 對大人黎講, 真係冇咩野玩!
當然......... 對咁細個的小朋友黎講, 就冇所謂啦.......
撈下金魚, 餵下小動物, 坐下牛車, 已經好開心喇~~~ 最緊要就係, 有成班同學仔去嘛!!
撘車來回, 又可以食下平時冇得食的小食喎...... 哈哈~~~ high爆!!
2013年9月27日 星期五
真的受傷了
百厭妹, 今次真的受傷了!
成日周圍跑, 爬高爬低, 話極都唔聽~~~
今次, 係sofa跌咗落黎, 手爭落地先, 攪到前臂近手爭位有少少骨裂~~~
唉....... 百厭之過啦!!!
真係痛C阿女呀, 成個手爭腫晒, 狂哭~~~
嚴重到要打石膏3星期, 期間...... 石膏一定唔可以濕水!!!
萬一入咗水, 隻手就會長期醃住, 爛肉都似...... 所以沖涼要好小心先得!
阿女沖涼, 我要同姐姐合力先得......
先包毛巾係石膏頂部, 以防入水, 外面再包多層垃圾袋, 雙重保護!
阿女經過這件事, 話以後會乖喎, 唔再亂跑咁話.......
唉.......... 聽住先啦~~~
3星期打石膏時間, 過得好慢長呀......
日常生活超級唔方便, 著衫除衫都好煩~~~
最慘就係飽受別人的目光....... 一出街就比人望!!!
哈哈~~~ 折石膏要用電鋸界開石膏...... 這個場面, 真係嚇C阿女!
驚到大哭, 嘈到折天呀!!!
折完石膏要照X-Ray~~~ 要見醫生, 睇下康復成點! 冇事就走得, 等下次覆診~~~
但見到有小朋友康復得唔理想, 要再打過石膏, 真可憐啊~~~
石膏己拆兩星期, 晴晴康復得九九十十喇~~~
到十一月尾, 要返去醫院再見醫生, 作最後評估, 冇事就唔駛再睇~~~
2013年9月13日 星期五
訂閱：
文章 (Atom)
