鳳梨卷

之前係網上見到好多Blog友自己做鳳梨卷, 睇到口水流呀..... 心諗, 點解d人咁叻架, 連鳳梨卷都可以自己做? 我知道 Jenny Bakery的鳳梨卷好出名, 但係超貴囉..... $80一盒, 得果十幾粒咋!

於是, 我經過長時間的研究 & 睇Blog..... wahahhaha...... 我終於掟起心肝去買齊所有材料開工喇...... 但係時間有限, 鳳梨餡都係買現成算lu....... OK平啦, $50/ 1000g, hahhaha.... 成本效益問題, 一次過做100粒, 好似抵好多.......
經過這次的製作過程, 先明白Jenny Bakery點解賣得咁貴, 全部都係手工錢黎架..... 由搓鳳梨餡, 打牛油, 到唧外皮....... 一d工夫都唔少得!! 做到死死下架......

 

先張鳳梨餡搓成一粒粒, 方便包嘛!

 

加入低筋粉&粟粉攪勻 

外皮攪好喇, 放入唧咀就可唧出外皮架喇!

 

出爐喇, 好鬼香牛油味呀!!!

 

 

   

鳳梨卷  Pineapple Roll Tart (可做100粒) 

鳳梨餡：
現成鳳梨餡 1000g (一包)

鳳梨皮：
冇鹽牛油 150g, 金桶牛油 130g (放軟) [加咗金桶牛油, 香口好多好多架]
砂糖/ 糖粉 60g
低粉 360g
粟粉 80g
蛋黃 2個
蛋白 適量 (搽面用)   

預熱焗爐：

170度 15分鐘

做法：
1. 鳳梨餡搓成長條形(每粒約10g), 之後放入雪櫃備用
2. 先將牛油及糖打勻
3. 加入低粉及粟粉分三次篩入打勻
4. 加入蛋黃打勻
5. 把麵糰放入唧唧咀﹐唧出長條形
6. 放上鳳梨餡﹐捲到包完粒鳳梨餡預留0.5cm用刀切斷
7. 再用手輕輕按一按埋口 (冇咁易散開)
8. 做完所有鳳梨卷後﹐掃上蛋白, 入爐焗15分鐘, 熄火焗多5分鐘先出爐

 

 
自家制鳯梨餡做法(約180-200g): 

1. 罐頭菠蘿片2罐, 罐外寫住565g (net weight)

2. 砂糖3-4湯匙

3. 麥芽糖1-2湯匙

 

     加咗焗出來的鳯梨卷, 個餡唔會硬, 口感好好, 用唔哂放雪櫃可以擺好耐架)

 


做法:   

1) 菠蘿片隔去菠蘿水, 用叉子將菠蘿壓散, 不是要壓很爛, 叉子用小小力一壓, 菠蘿即變一絲絲, 搾乾水份, 將所有材料小火煮至乾身即成

 

少少心得: 

   

之前我都整過好多次鳯梨餡, 但結果是用罐頭菠蘿咁新鮮的還好食, 而且罐頭菠蘿比較容易壓出一絲絲, 但新鮮菠蘿相對比較硬, 如用刀切細後, 口感沒有一絲絲, 始終都係差d! 還有很重要的是, 罐頭菠蘿好易就能搾出水份, 所以大約煮20-30分鐘, 就攪掂, 但如果係用新鮮的, 真係要炒足成粒鐘, 手都軟......