同上次煮法好唔同, 今次我一滴水都冇落!!
只係靠醃料汁及肉汁去蒸咋,
一d都冇痴底架, 蒸好後, 約有1cm高的汁係鍋底添!
所以無水蒸野係work的! Staub的鎖水功能好, 蒸好後, 汁料只會比蒸前更多!
好正!!!! 滴水不原汁原味黎架......
材料:
冰鮮雞一隻
金針半飯碗, 紅棗3大粒, 薑絲適量 (可加雲耳, 但咁啱用晒, 今次冇落)
醃料:
豉油3湯匙, 砂糖3茶匙, 燒酒3茶匙, 麻油1茶匙
做法:
1. 冰鮮雞解凍切件, 加入醃料備用
2. 金針浸軟, 去硬頂, 清洗打結備用
3. 紅棗洗淨去核, 切絲備用
4. 將雞件連汁倒入凍鍋內(唔駛落油), 加入薑絲, 金針及紅棗
5. 先用中火蒸5分鐘, 再轉細火蒸多15分鐘即成, 食時先開蓋
溫馨提示:
1. 雞件最好醃夠3個鐘, 咁先入味架 (唔夠時間的話, 起碼都要醃半個鐘)
2. 金針打結, 會精緻d, 宴客一流
3. 蒸雞時間, 因雞隻的大細而定, 請自行執生! 今次姐姐斬得比較大件, 蒸20分鐘就啱啱好!
其他 staub 同 lc, 邊個牌子好用呢?? 其實我想問無水蒸呢, cook既中途洗唔洗開蓋攪佢架, 真係唔痴底? thanks ! 好想加入lc fans
回覆刪除[Melo B回覆11/03/2012 11:41:23]okok,
我已經睇晒你d post啦!
[版主回覆11/03/2012 10:47:08]~等你好消息!
~得閒多d 到訪啦!
[Melo B回覆11/03/2012 10:05:43]好呀, 好呀, many thanks !!!!!
[版主回覆11/02/2012 23:34:22]~真心果句, Staub係好用d, 因為黑色內膽的關係, 冇咁易上色, 可以粗用都得! 而且佢比LC重身(當然同一size黎講啦), 鎖水好, 唔會流眼淚! 唯一缺點就係顏色選擇唔多! 係佢的至命偒!!!
~至於LC, 佢係千金小姐黎架, 要下下鍚住用, 比較易上色, 我煲咗2次老火湯之嘛, 個24cm粉紅煲就上晒色, 要用LC專用的清潔液先洗得甩呀!!! 激死我喇..... 雖然係咁, 佢的顏色又真係殺死人...... 靚到暈架!!!!
~這2個牌子各有捧場客, 我個人覺得, 如要買大煲(24cm以上)就買Staub吧, 因為大煲好啱用黎煲湯及炆野, 就算烹煮時間長, 都唔驚上色啦! 至於細煲, 我會建議買LC, 細煲對我黎講, 多數用黎做快煮餸(15-25mins食得果d), 上色的機會大大減低架!
~無水煮雞中途係唔洗開蓋攪佢的, 由得佢自己煮, d肉好嫩滑架! 只要火候控制得好, 係唔會痴底的, 記住開頭用中火, 之後用細火, 千其唔好心急, 要比佢慢慢煮...... 如果一味用中/大火, 一定痴底架, d肉仲會over cook, 好鞋架! 而且對個煲好傷!!! 小心.....小心......
~快d加入LC行列啦, 大家一齊敗敗敗, 又可以交流下~~~