自製鹹柑桔

今年新年過後, 終於'dick'起心肝, 醃製咗一樽鹹柑桔喇...... ^.^

柑桔係生果檔都有得賣, $10有2大袋(大約40多粒),  先將柑桔用清水洗一次, 再用滾水浸一陣..... 放涼後就可以入樽, 一層桔一層粗鹽, 好鬼簡單架咋....... 

大約2-3星期後, 粗鹽漸漸變成咗水份...... 柑桔就會浮面, 這時就要再下粗鹽蓋過柑桔, 以免浮面的柑桔接觸到空氣會發霉呀!