11/5/08 母親節

原本諗住今日去完主日,先同阿媽&阿妹佢地飲茶.... 但9:50.a.m.去完 "傑斯"度食完早餐就改變了主意.....  我地兩個去咗街市買餸煲湯煮飯呀.... 仲要拿琴日訂咗的豬肺. 今晚晚餐有: 菜乾豬肺湯 和苦瓜炆排骨, d 菜乾係舅父佢比架, 試煲過架喇, 好好味! 如圖:

晚餐價錢如下: 大白菜: $3.5 / 苦瓜: $8 / 紅蘿蔔: $9 / 南北杏: $10 (今次落左一半) / 豬肺: $12 / 豬骨: $28 / 排骨 $20

不如睇下準備過程先啦.... 首先先讚下今日果間肉檔, 個阿姐真係好人呀,不但幫我地好個豬肺, 仲幫我地切好一件件, 又教我地點煲!! 真係獲益良多!!

個豬肺咗好多次,老公先敢放落白Wok出水.... 因為次前見倒個肺放係肉檔地下架!!

過咗冇耐..... 個豬肺就出咗好多水....  煮這味湯, 真考功夫喇.....

老公係煮豬肺時, 我突然諗起琴日係觀唐食品批發店買的食物, 咁就順便影下相先!! 價錢比超市好多!!  正!!!!!!! 叮噹豆沙餅: $21 / 牛油味百力滋: $4.5 / 壽司味薯片: $8

到咗12:00, 我落去新星搵位先.... 但阿媽一早到咗.... 等咗太約20min, 阿妹同妹夫先到..... 老公由於要洗落野煲湯.... 當我地拿位之後, 佢先到!!! 又會咁啱時間?!?!! 

我地5個人, 食左好多野! 但老公話佢之前10:00先咗早餐仲未消化........所以唔肚喎! 但我就ok啦......可能食得落!!! haha..... 我真係好大食呀!    都唔算貴啦.... $232, 我地2 pair人夾分..... 我比咗$200阿媽當母親節禮物&家用! 佢不知幾開心..... 因為阿妹都冇比佢嘛!!!!

飲過茶後, 阿妹佢地2 個去黃埔睇film...... 老公係屋企煲湯! 我就同阿媽出旺角取G2000西褲&Doir啡色膠框眼鏡.... 之後去花壚買花同蛋白蛋糕.....  heehee, 有相睇! 係咪好靚呢......... 講漏咗, 阿媽仲買咗個中國feel的瓷器花樽( $88, 講價講到$80成交), ,阿媽仲幫我個玻璃花樽你比咗錢 ($18), 所以個蛋糕, 就由我比錢啦!

蓮花: $15 / 太陽花: 20 / 屈金香: $75 / 蛋糕: $10 /個 (同阿媽一人一個, 而d花同阿媽share, 一人一半.....)

 

同阿媽行咗2.5個鐘..... 好鬼tired呀!!! 返到屋企, 老公剛煲好湯.... 阿媽話好好味, 仲飲咗4碗連湯渣添...... 真係嚇我呀!!! 之後, 幫阿媽整理好d買, 咁佢就自己返屋企lu.....

今年的母親節, 我覺得阿媽真係好開心..... 感謝主!!