旺角熟食街市

23 Apr 08, 我同老公係旺角熟食街市搵好野食, 依家就等我為大家介紹一下啦!

果間餐廳叫做 “澳門翠苑餐廳” 位於旺角上海街(朗豪酒店隔離; 朗豪坊H&M後面), 好易搵架咋! 雖然係熟食街市入面, 但環境及泠氣方面, 都好ok喎… 而且仲有好多年青人光顧添…

這間餐廳最好食的… 就係 (1)藩茄牛肉鏍絲粉; (2)咖哩農夫包; (3)凍咖啡

藩茄牛肉鏍絲粉的湯底真係….. 超正!! 湯底材料包括: 藩茄, 牛肉, 紅蘿蔔, 薯仔; 味好濃, 一d味精都冇! d湯一滴不漏比我飲晒呀….  個餐好抵, $26包野飲, 加$2就可以轉凍飲, 記得要試下佢地的凍咖啡喎… 好滑好香架!

以下相片; 就係我講的咖哩農夫包喇; 有咖哩牛, 豬, 雞… 好似仲有羊供應架!

顧客order左之後, 店員就會將所選的肉類加入少許咖哩; 放入圓形大法包裡面; 之後, 就拿去焗…

係呀… order咗食物之後, 就可以拿住個牌仔坐低架喇… 阿姐會跟牌仔number送上食物, 好方便架!

這是我地order的咖哩牛柳呀, 好嫩滑架… 一d根都冇! 而且仲提供一碗咖哩汁, 比顧客點麵包食, 非常細心呀! 這個餐$43包野飲,包湯… 真係一個人都食唔晒… 好飽肚架!