鹹柑桔

 

行開紅磡, 順便到明德睇睇

好想入返d 鹹柑桔, 鎮下宅....... 安下家嘛.....

事關......... 3年前買落的4年貨仔(即浸咗7年), 只剩返幾粒咋

好好彩, 老闆娘話有貨, 賣晒依批就冇架喇......

好彩黎得合時啫! 幾個月前黎過, 佢話未賣得住...... 要等下!

估唔倒, 依家只係賣剩廿幾撙......

我買咗4撙! 有2撙係幫同事買的.....

見到有個師奶, 一口氣入咗10撙, 真誇張呀!!!



返到屋企, 即刻開撙睇睇

因為只浸了3年, 柑桔的顏色仲係好橙......

跟我家的7年貨仔, 顏色差好遠呢.....