天口好熱呀......係時候煲下d清潤湯水飲下........
今次又係煲雪梨呀, wakakakaka......... 阿女鐘意嘛!
係生果檔見倒靚靚椰青, 買咗2個返屋企!
飲完椰青水, 仲起埋d肉用黎煲湯! 唔好浪費嘛......
用Staub黎煲, 真係好鎖水架, 煲咗3個半個, 都仲有咁多水, 而且原汁原味!! 好正架!!!
材料:
雪梨4個
蜜棗3粒
白果1兩 (約10粒)
椰青肉1個份量
南北杏適量
瘦肉$30
清水10碗
做法:
1. 雪梨洗好, 切開四件及去芯去頂, 留皮備用
2. 蜜棗及南北杏清洗備用
3. 白果去殼, 去衣及去芯, 清洗備用
4. 椰青起肉備用
5. 瘦肉清洗, 切件, 汆水備用
6. 煲滾清水, 將以上材料一齊放入, 大火煲半個鐘, 轉細火煲多3個鐘即成
你好呀沙郎，我都用過staub22cm煲個無花果萍果湯，大概九碗水先用中大火煲十五分鐘中，再用極小火煲四十五分鐘，後焗一小時，湯很甜，但發覺它並不鎖水，煲出來只有兩碗多，請問你煲的時候的步驟及有甚麼秘訣可以那麼鎖水呢？
回覆刪除[版主回覆08/02/2012 22:40:49]你好呀, 其實我都冇咩秘訣, 煲好之後, 湯水真係會少咗d架, 約一寸高的水位啦...... 但比起用stainless steel煲, 真係鎖水好多! 大家交流下啦!