2012 工展會

過去三年, 年年都去工展架~~~

多數買下賀年貨, 咖啡, 湯包, 醬油, 雜糧等等.......  

今年都唔例外, 24 Dec 公司放4:00 p.m. 已同路明夾好, 到工展血拼!!

同預料一樣, 會場內的人唔算多, 比以往好行得多呀!

2 個鐘內, 財散人安樂~~~ 今年的貨品唔算好抵, 只係平少少咁大把!!!   

不過算啦....... 依家咩都貴, 冇咩可能買倒平野!!!! 平少少已經唔錯~~~

我地入咗以下貨品:   

1. 葯用馬油(阿女用的) x 7盒 (買6 送1)

2. 夏威夷果仁1包, 杏甫1包, 提子乾1包 (平時食/ 做麵包都得)

3. 湯包2 Packs (共11包, 其中1包係Sales姐姐送的), 舞茸1包

4. 舊X場咖啡10包 (加送35條)

5. 蝦米辣椒油2 樽, BB 蝦仔蝦醬2支

6. 念X庵獨立包裝枇杷膏4盒 (加送潤喉糖20粒)



我好叻呀, 今年我冇再失手比孖X牌喇~~~ 無論刀刀/ 煲煲/ 碟碟......

因為.......... 要買的都買晒喇!!

再買邊有位放呀?? 

不過, 我都忍唔住去孖X牌counter巡一下........

仲睇埋Sales姐姐的示範, 包括鮮蝦蛋炒飯, 雜菜炒烏冬~~~ 真係炒得好靚呀!

炒飯粒粒分明, 而且烏冬痴底架........ 好正!!  

Kitty公仔碗麵, 得意又靚, 真係唔捨得食~~~

Sales姐姐先用24cm蜂巢鍋做示範, 表演鮮蝦蛋炒飯~~~

再黎個雜菜炒烏冬先~~~~ 冚住蓋焗一焗佢, 一陣就食得!

各式各樣的Staub產品, 睇到眼花呀~~~ 你地有冇入貨呢?? 

舞茸係菇中之皇, 好有益架, 浸軟後炒菜/ 煲湯/ 煲水飲都得!!!! 好爽, 好好食!

這個牌子的湯包好好味, 又足料, 年年都入貨架!

夏威夷果仁, 杏甫及提子乾....... yummy~~~

秋冬的潤喉良品~~~ 一定要有一樽睇下門口架~~~