我睇咗好多網頁, 每個的方法都有少少唔同, 如Carol所做的, 係要將混合好的麵糰, 放係室溫中發酵18-24個鐘; 但P&T所講的, 又係另一套, 佢先將混合好的麵糰, 放係室溫中發酵2個鐘, 之後再放入雪櫃(普通格, 唔係冰格), 比麵糰自己繼續發酵, 第二日就可拎出黎用, 用幾多cut幾多出黎, 剩餘麵糰又可以再次放入雪櫃.
今次, 我用咗P&T的方法, 從雪櫃拎出一半麵糰, 放係灑上高粉的枱面上, 壓平排氣, 對摺再對摺, 滾成圓形, 收口向下, 放係室溫做最後發酵, 約1個鐘. (麵糰真係好'痴'手架, 一定要灑上高粉, 先方便造型)
因為我冇沙煲/ 康寧煲...... 今次我只係將麵糰放入已預熱15分鐘的焗爐內, 再加入3杯熱水係下格, 做出蒸氣效果, 令麵包的皮脆卜卜..... 用170度烤40分鐘! 今次的實驗非常成功, 有相為証!!!! 有咗這個方法, 以後做麵包, 就輕鬆得多喇!
沒有留言:
張貼留言