梅菜炆五花腩

有日行過街市南貨舖, 見倒阿媽推介的石澳梅菜皇, 即刻買返包試下啦....... 梅菜皇有兩種: 有葉&冇葉兩大類, 我個人鐘意食冇葉果隻, 爽口d, 而且冇咁鹹! 石澳梅菜皇味道偏甜, 怕鹹的朋友, 一定要試下! 包你一食, 即刻鐘意咗佢.......... 只要浸鹽水個半鐘就食得! 好鬼方便! 這味餸用黎送飯, 真係一流架! 所以路明今餐食咗兩大碗飯!

材料:
五花腩 $25 (連皮), 梅菜皇半包(即一棵), 乾蔥1粒, 薑片2塊

調味料:
蠔油一湯匙, 砂糖3茶匙, 麻油少許

做法:
1. 五花腩連皮清洗, 抺乾, 切件備用(約1.5cm厚)
2. 將梅菜搣開一塊塊, 浸入鹽水個半鐘, 抺乾水後切粗絲備用
3. 白鍋炒香梅菜絲(約2分鐘)備用(唔駛落油架)
4. 落油爆香乾蔥&薑片, 加入五花腩, 清水2飯碗 & 調味料
4. 關蓋, 以細火炆45分鐘即成(最後20鐘加入梅菜絲)

P.S.:
1. 如果中途水份收乾, 一定要加水, 否則會煮濃!
2. 炆餸一定要以細火煮架, 否則炆極都唔會林