1st 煲仔飯@2011

路明見到飲食男女的一則報導, 話深水埗福榮街-好味皇的煲仔飯唔錯, 於是心郁郁去試下......

睇完餐牌, 發覺一d都平, 普通煲仔飯都要$43/ $48一煲! 比起廟街真的貴足足一陪咁多! 心諗....... 係咪真係咁好食呀! 極度懷疑ing........

經過一輪選擇, 我地要咗個鱆魚肉餅白鱔煲&田雞臘腸煲......... 好可惜, 味道極度一般....... 令到我地好失望!

山長水遠黎到, 搵咗咁耐, 竟然只係一般貨色! 廟街食好過啦, 人地只係$23一煲之嘛!

最激氣就係, 我加白鱔, 要比多$20 ($43+$20=$63), 算啦......... 加就加! 但唔好比d 鱔尾我丫........ 一d肉都冇, 而且仲要得幾件, d飯又唔夠乾身, 濕濕地....... 唔好食水咁深好喎...... 這餐, 我地食得好唔開心! 早知去廟街食啦!