肉骨茶

琴日, 公司煲咗一大煲肉骨茶, 湯包係馬來西亞同事返鄉下時買返黎的!

好香濃的中葯味, 當中有當歸添呀, 好保喎! 而且材料豐富, 包括有豬軟骨, 冬菇, 紹菜, 蒜頭2大個, 臨食時要配埋油炸鬼食, 係馬來西亞特色黎喎.......

好可惜, 我地早唔煲遲唔煲, 27度先黎煲肉骨茶! 好幾個同事飲完, 都唔舒服, 而我就覺得好暈, 個身發滾咁呀....... 超辛苦!! 到下午四點先散晒, 舒服返好多!

下次大熱天時, 都係唔好飲喇!