講開又講............
家中工人姐姐同我都病咗成個星期, 但佢已好返好多.........
佢只係仲有少少咳啫.......... 但就只係夜晚先至咳, 日頭唔會咳!
媽咪同我講, 依d就係寒咳.........
只要炒少少薑飯食, 飲下薑水.......... 就會好好多!
所以, 今晚就炒咗少少薑飯比佢食........... 仲煲埋薑水添!
果然得喎......... 訓時, 姐姐真係咳少咗好多!!!
見過我的炒薑飯示範, 我叫姐姐明晚自己炒喇! 希望食多2日薑飯, 佢會好d啦!
材料:
白飯一碗
薑粒半湯匙
雞蛋一隻
做法:
1. 先用白鑊炒香薑粒, 之後加入少許生油快炒數下
2. 加入白飯及1茶匙砂糖, 約炒5分鐘 [註1]
3. 加入蛋漿快炒, 直至飯粒可以粒粒分開即可
4. 落少許鹽調味
溫馨提示:
[註1] : 炒白飯時加入少許砂糖, 可令飯粒容易分開, 唔會痴埋一舊舊
沒有留言:
張貼留言