自從上次用Staub整過鹽焗雞, 原來路明一直念念不忘........
早兩日又話想食, 好啦見佢咁捧場, 一於再整過! 但今次用咗Staub南瓜煲去整!
同上次一樣, 做出嫩滑的鹽焗雞, 真係滑到........ 冇朋友架! 連雞胸都滑一滑!
見佢咁鐘意食, 我特登留隻大雞脾比佢!!
材料:
冰鮮雞一隻, 鹽焗雞粉一包, 粗鹽一包(約500g)
準備工夫:
1. 冰鮮雞去頭去頸, 清洗後抺乾, 內外搽上鹽焗雞粉, 放入雪櫃醃過夜備用(雞腳放入雞肚內)
做法
1. 從雪櫃取出已醃過夜的雞, 室溫回溫1小時
2. 鍚紙掃油, 包起冰鮮雞備用
3. 白鍋炒熱粗鹽
4. 放入己包好的冰鮮雞(雞胸向下), 將少許粗鹽灑在鍚紙面上
5. 以中火煮60分鐘即可 (視乎雞的大細而定)
2. 鍚紙掃油, 包起冰鮮雞備用
回覆刪除4. 放入冰鮮雞(雞胸向下), 將少許粗鹽灑在雞面上
唔係好明, 是否打開鍚紙落粗鹽再包好?
[版主回覆08/13/2012 09:00:06]sorry.......... 寫得唔係咁添..... 內容已update!
千其唔好直接灑粗鹽係雞面呀, 會鹹死!!! 我意思係, 先用鍚紙包好隻雞, 放入鍋內(雞胸向下), 再係鍚紙面灑上少許粗鹽, 目的係想隻雞平衡受熱啫!
ICIC, you're so nice and 有心機寮食譜, THX
回覆刪除[版主回覆08/13/2012 23:23:34]邊係丫, 你太過獎喇! 得閒多d到訪啦, 大家交流下!