踏入秋冬, 天氣變非常乾燥, 路明同阿女又開始周身R...... 皮膚乾燥又搔癢, 阿女仲R到出現紅斑, 傷口 ...... 好心痛, 好擔心ing!
阿女的情況同上年一樣, 一到十二月就出現皮膚問題, 不過今年的情況比上年好好多, 範圍細, 而且受控制!
上年睇開的中醫 - 冼麗生因早前被發現葯膏含有類固醇成份, 正在調查中...... 我都唔肯再睇佢喇........ 我地唯有去睇另一個中醫啦!
睇咗中醫已三星期, 皮膚開始好轉, 冇之前R得咁勁, 傷口亦慢慢結焦, 但皮膚依然好乾, 我覺得唔R已經係好的開始, 咁就唔會再有新傷口出現, 皮膚就可以慢慢好過黎! 至於皮膚乾燥, 可以勤d塗cream.......
係網上搵倒一個湯水好啱阿女飲的- 土茯苓赤豆扁豆湯, 問過中醫都話可以飲, 有清熱解毒,健脾袪濕功效.對血燥或風濕血熱等皮膚搔癢症都有幫助架, 買齊材料就煲喇!
材料 : 鮮土茯苓4兩, 赤小豆, 扁豆各1兩, 蜜棗4粒
做法 :
將材料洗淨, 用8碗水煮約2小時成4碗即可
小貼士: 鮮土茯苓在菜檔或生草藥檔有售,可叫檔主代去皮及切薄片, 較容易出味, 此湯最適合潮濕多霧的天氣飲用, 老幼皆宜, 可預防瘡癤的發生
食譜出自芳姐保健湯餸 : http://www.healthy-food.hk/?cat=21
沒有留言:
張貼留言