京都骨

因為近期比較忙, 焗餸真係冇咩點整過...... 之前一連串的燒味, 好似似突然停咗落黎....... 路明忍唔住口出咗聲喇!

路明: 我地...... 好耐冇食過焗野喇喎, 有冇諗過煮返餐食呢?

暴龍媽媽: 下...... 係咩! wakakakaka........ 近排忙嘛, 咪冇整囉, 好多工架....... 前一晚要醃, 第二晚放工返黎, 又要急急腳開爐........ 唉, 阿女又成日跟住我, 要我陪佢玩, 所以入廚煮餸, 唔係太方便!!!

好啦, 大少開到口, 咁今次我就整一整新野先......... 登 ....... 登....... 登! 就係京都骨喇! 其實早兩日, 我已經買咗喇! 其實大少又駛咩擔心丫, 就算你唔講, 我打算依2日會整焗餸架喇........ 我地真係心靈相通架啫!

材料:
豬肋骨 - 6條

醃料:
绍酒  - 1湯匙
生抽 - 2湯匙
叉燒醬 - 1湯匙
海鮮醬 - 1湯匙
麻油  - 1茶匙


做法:
(1) 豬肋骨清洗好, 用醃料醃過夜
(2) 將豬肋骨放入已預熱15分鐘的焗爐, 用170度火, 每面各焗 20 分鐘, 共40分鐘
(3) 取出切去黑色濃位
(4) 將之前的醃料&一湯匙蜜糖煮滾後淋面即成